Deporte (Indebon)

Instituto di deporte boneriano ta un departamentu ku ta kai bou di Direktorado komunidat i kuido di Entidat públiko Boneiru. Deporte i moveshon ta e servisio ku Indebon ta brinda e pueblo boneriano. Nan ta brinda e servisio aki tantu na mucha chiki, hoben, adulto, persona nan di edat i persona nan desabilitá.

Parti mainta nan ta duna un man na lugánan pa kuido di hende grandi i tambe persona desabilitá. Tra’i mèrdia nan ta den diferente barionan di Boneiru. Den bario nan ta enfoká mas riba mucha/hoben di 7 pa 17aña. Nan ta bini huntu tur atardi pa hasi deporte i moveshon di un manera sano.

Indebon ta enkargá pa mantenshon di diferente veld nan di deporte. Entre otro: Stadion di Playa, Elion Flores, Mini veld Sylvio “Chio” Semeleer, Jossy Boekhoudt Ballpark, Little League Ballpark Julio Angela i demas. Tambe Indebon ta yuda hopi kompania, fundashon i skol ku loke nos ta yama ‘Teambuilding’.

Pa mas informashon wak riba: www.bonairesport.com.