Adopshon

Tantu asil di bestia komo Fundashon Kakelvers ta ofresé hopi kachó pa adopshon. Si bo tin gana di un kachó, pensa pa adoptá un kachó.

Mayoria kachó ku ta ofresé pa adopshon konosé algun komando básiko kaba. Nan sa unda pa hasi nan nesesidat. Klaro ku regularmente nan ta haña pùpi tambe. Pero tin bia por ta dushi pa skohe pa un kachó ku ta mas bieu kaba. Un pùpi mester di hopi atenshon i guia.

Ta posibel ku un kachó ya a pasa den hopi kos. Ku e ta poko ansioso i wantá. Tuma tempu pa laga e kachó kustumá ku su ambiente nobo. Introdusí kos nobo ku kuidou, pa wak kon e kachó ta reakshoná. Bai papia un bia ku e organisashonnan aki. Nan konosé e kachónan ku nan ta alohá bon. Tambe nan por konsehá bo kua kachó ta adekuá pa bo.