Kon bo por pidi esaki?
Asina bo ta hasi petishon pa un pasport:
- Bini na e departamento di Registro Sivil.
- Trese tur bo dokumentonan di biahe, tambe si nan a vense.
- Trese 1 pasfoto na koló ku ta kumpli ku e instrukshonnan.
- Laga registrá bo marka di dede.
- Paga bo pasport na e petishon.
Pa pidi pasport pa mucha te ku 18 aña, mester tin pèrmit di tur outoridat.
Pa esaki tin 2 posibilidat:
- Un mayor òf tutor ta bai huntu ku e mucha na Registro Sivil pa hasi e petishon. E mayor òf tutor mester por identifiká su mes. E otro mayor òf tutor mester duna pèrmit por eskrito. Tambe bo mester tin un kopia di su dokumento di identidat.
- Un mucha sin mayor òf tutor ta bai na e departamento di Registro Sivil? E ora ei ámbos mayor òf tutor mester duna pèrmit adelantá. E mayornan ta duna pèrmit por eskrito? E ora ei trese e pèrmit por eskrito i e kopianan di e dokumentonan di identidat di e mayornan òf tutornan.
Pèrdí òf hòrtá?
Bo pasport ta pèrdí òf hòrtá? Bo no mester hasi denunsia na polis. Notifiká e desaparishon mas lihé posibel na e departamento di Registro Sivil i hasi petishon pa un dokumento di biahe nobo.
