Formulario Inskripshon Doño di stènt riba Dia di Boneiru
Bo por inskribí pa un stènt riba Dia di Boneiru. E aña akí e parti kultural di Dia di Boneiru ta tuma lugá dilanti di Ofisina Prinsipal di Gobernashon. Meskos ku tur aña personanan ku ta interesá por bini na remarke pa un stènt kaminda nan por bende tur sorto di kos durante e selebrashon. Ta trata akí di stènt kaminda ta bende kuminda, pasaboka, kos di bebe i artesania, pero tambe kaminda por hunga ‘Bon Kuné’ i kaminda nos muchanan por hasi tur tipo di wega. Inskripshon ta sera dia 30 di ougùstùs 2024.