Hasi negoshi na Boneiru

Un empresario tin diferente posibilidat pa kuminsá ku un propio empresa na Boneiru. Komo empresario ta importante pa sa tur kos tokante hasi negoshi na Boneiru i tambe kua ta e pèrmitnan ku ta nesesario pa establesé i eksplotá un empresa, un tienda òf un establesimentu di hóreka.

Ora ku un empresario ke kuminsá na Boneiru un òf mas pèrmit ta nesesario. E promé pèrmit ku un empresario mester pidi ta un pèrmit di establesimentu. Banda di esei un pèrmit di eksplotashon tambe ta un eksigensia pa un empresa. Un di e pèrmitnan mas komun di eksplotashon ta e pèrmit di bibida i hóreka.