Kontroladó di Vector
Entidat públiko Boneiru ta buskando koleganan nobo ku ta pashoná, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Entidat públiko Boneiru ta buskando un Kontroladó di Vector C pashoná i profeshonalmente kapasitá pa departamento di Salubridat Públiko. Den e funshon akí bo ta responsabel pa ehekushon di inspekshon i kontròl pa salbaguardiá salú i siguridat di Boneiru su habitantenan. Komo kontroladó ‘all-round’ bo ta traha den diferente área di supervishon i bo ta hunga un ròl krusial den mantenshon di legislashon i regulashon i den dunamentu di informashon na komunidat.
Akí bou nos ta indiká algun di e tareanan ku bo por verwagt:
- Kontrolá vários opheto di inspekshon, aktua komo ámtenar spesial di investigashon (BOA/BAVPOL), i traha prosèsverbal òf rapòrt den kaso di violashon;
- Intermediá na momentu ku tin keho, trata esakinan i mèldu kehonan kompleho na e hefe;
- Promové komunikashon efisiente ku partnernan eksterno i den e tim;
- Sostené otro trabounan den e departamento i sekshon;
- Tuma desishon na momentu di supervishon riba kumplimentu ku instrukshon, legislashon i regulashon;
- Responsabilisá kalidat di e kontròlnan ehersé i di e tratamentu di keho serka e hefe.
Loke nos ta ofresé bo
Na entidat públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 6 i ta trata di minimalmente $ 2220,- i maksimalmente $ 3060,- pa luna. E salario regular pa e funshon akí ta kai den eskala 7 i ta sòru pa un salario di minimalmente $ 2520,- i maksimalmente $ 3360,- pa luna. Banda di esaki bo por konta ku:
- Sèn di vakansi di 8,33%;
- Un ‘13 maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombrashon pa 2 aña. Den kaso di satisfakshon mutuo tin un opshon pa prolongashon.
E salario ta basá riba bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Banda di bo konosementu amplio di instrukshon, pèrmit i legislashon i regulashon i komprendementu di e relashonnan organisatorio i funshonal den e organisashon i den empresanan i bo abilidat pa loke ta trata kontròl, nos ta deskribí algun di e eksigensianan pa e funshon akí bou:
- Minimalmente un formashon di MBO 3;
- Diploma di ámtenar spesial òf general di investigashon (BAVPOL) i un kurso aktual pa inspektor di saneamentu di barku (ripitishon dentro di 10 aña) ta un bentaha;
- Minimalmente 2 aña den un funshon di kontròl òf supervishon;
- Eksperensia ku aplikashon di areglonan legal;
- Bo ta konfiabel, ku enfoke riba kliente i bo por traha bon huntu den un tim;
- Bo ta dispuesto pa tene inspekshon periódiko higiéniko di edifisio, tereno, barku i sitionan kaminda hende ta landa;
- Bo ta enkargá ku dunamentu di informashon tokante medidanan higiéniko na institutonan, suidadanonan i na mando di barku;
- Bo ta responsabel pa referí investigashonnan i kasonan kompleho na bo hefe i pa intermediashon na momentu di keho i insidente.
Pa por traha na entidat públiko Boneiru, un eksigensia ta ku, banda di e kondishonnan menshoná akí riba, bo ta kumpli tambe ku loke tin deskribí akí bou.
- Bo ta dominá e idiomanan hulandes i papiamentu, òf bo ta dispuesto pa siña e idiomanan akí.
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a optené i ku ta menshoná riba bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 15 di yüli 2024 na solliciteren@bonairegov.com. Por dirigí esaki na Kolegio Ehekutivo, na atenshon di Departamento di Personal i Organisashon. Nos adrès ta Kaya Aruba 1, Kralendijk, Boneiru.
Bo tin duda ainda òf bo ke mas informashon tokante e funshon? E ora ei tuma kontakto ku e hefe interino di departamento di Salubridat Públiko òf ku e kordinadó di reklutashon Linda Velema via (+599) 715 5330 ekstenshon 2124. Pa mas informashon tokante entidat públiko Boneiru bo por akudí riba www.bonairegov.com.
