Regisor di Salubridat Públiko
Entidat Públiko Boneiru ta buska kolega nobo ku ta apashoná, motivá i inovador. Abo ta e kolega nobo ku vishon pa futuro ku nos ta buska?
Kiko bo ta bai hasi?
Bo ke tin un impakto positivo riba salú di komunidat boneriano? Bo ta versá den krea ret ku partnernan den kadena i bo ta kla pa duna un kontribushon na salú di nos siudadanonan? E ora ei esaki ta bo chèns pa hasi un diferensia komo Regisor di Salubridat Públiko serka nos organisashon!
Salubridat Públiko (SP) ta responsabel pa protehé, stimulá i reforsá salubridat di pueblo na Boneiru. Den e añanan benidero nos lo traha ku un tim kresiente na un programa integral di reforsamentu ku vários linia di programa, kaha unu dirigí pa un regisor di programa. Kada regisor ta haña su mes kartera. Pa kada kartera nos ta buska 1 regisor di programa. Indiká den bo solisitut si bo ta solisitá pa kartera 1, 2 òf 3. Ta un opshon naturalmente pa solisitá pa mas ku un kartera, indiká esei e ora ei tambe!
1. Estilo di biba salú – aspektonan físiko: Enfoke riba alimentashon, move, i redusí sobrepeso komo faktor di riesgo pa malesa ku no por pasa di un hende pa otro. (E asina yamá NCD’s na hulandes).
Desaroyá i implementá strategianan adekuá pa programa di estilo di biba ku ta kuadra ku e metanan di Salubridat Públiko na Boneiru. Selektá, i si mester hasi adapatashon kultural i implementá intervenshonnan adekuá dirigi riba alimentashon salú, move i un estilo di biba físikamente salú.
2. Estilo di biba salú – aspektonan mental: Enfoká riba salú seksual, kon dil ku stimulante, isolashon sosial, kondukta di pèstmentu, i defensa mental.
Desaroyá i implementá strategianan adekuá i intervenshonnan pa stimulá defensa mental, ku atenshon espesífiko pa temanan manera salú seksual, uso si stimulante, isolashon sosial, depreshon i pèstmentu;
3. Ambiente di biba salú: Krea ambiente di biba salú i duradero, influensia di planifikashon urbano i ambiente di biba físiko, i adaptashon di klima.
Desaroyá i implementá strategianan pa promoshon di un ambiente di biba salú, ku atenshon espesífiko pa adaptashon di klima, ambiente físiko, siudat i barionan salú.
Aki bou tin un selekshon di e sobrá tareanan di regisor di programa di Salubridat Públiko :
- Guia tim di koordinashon di intervenshon di salú;
- Enfoká riba kooperashon en kadena ku organisashonnan ku ta partner na Boneiru, Saba i Sint Eustatius i Hulanda oropeo;
- Traha huntu ku investigadónan, konseheronan di maneho, i gerensia di Salubridat Públiko;
- Koordiná aktividatnan di investigashon;
- Raportá na hefe di Salubridat Públiko tokante progreso, resultado i retonan di e programanan, i hasi rekomendashon pa mehoransa i inisiativanan den futuro.
Loke nos ta ofresé bo
Apresio ta importante pa nos na EPB. Bo ta ripará esaki na boka di trabou, pero tambe den rekompensa ku bo ta haña pa bo trabou. Si bo no ta kumpli ku tur e eksigensianan ku tin pa e funshon akí, nos ta hasi uso di un eskala inisial. Esaki ta eskala 11 i ta resultá den un mínimo di $4.390,- i un máksimo di $5.240,- pa luna. E salario regular pa e funshon akí ta kai den eskala 12 ku un salario mínimo di $5.070,- i un máksimo di $5.920,- pa luna. Banda di esei bo por konta ku:
- 8,33% plaka di fakansi;
- Un di 13 luna kompleto;
- 168 ora di ferlòf i 5 dia di ferlòf èkstra ku ta fihá adelantá;
- Un areglo di penshun ekselente;
- Un siman di trabou fultaim di 36 ora
- Un proyekto ku durashon di 3 aña.
E salario ta basá riba bo formashon, konosementu i eksperensia. E repartishon di bo siman di trabou ta flèksibel i lo fiha esaki den deliberashon ku bo hefe. Banda di esei nos tin algun kondishon laboral sekundario atraktivo, gustosamente nos ta konta bo mas di nan durante bo prosedimentu di solisitut!
Kiko ta e eksigensianan
Pa e funshon akí ta importante ku bo tin eksperensia di trabou demostrabel ku desaroyo, implementashon i evaluashon di programanan denter di kuido di salú (públiko) òf e área sosial. Banda di esaki nos ke masha pa bo kumpli ku e puntonan aki bou.
- Un diploma universitario den direkshon di un spesialidat ku tin di aber ku e spesialidat;
- Eksperensia ku i konosementu di sektor di kuido di salú i formulashon di maneho, inkluso legislashon i regulashon relevante;
- Liderato i abilidat organisatorio ekselente;
- Eksperensia ku maneho di presupuesto i petishon pa finansiamentu pa programa di salú.
Pa por traha na entidat públiko Boneiru, ta rekerí ku banda di e kondishonnan menshoná anteriormente, bo ta kumpli tambe ku loke tin deskribí aki bou :
- Dominio di idioma hulandes tantu verbal komo por eskrito;
- Abilidat di papia papiamentu, òf disposishon pa siña esaki denter di 1 aña;
- Abilidat digital bon.
Loke ta importante tambe pa sa
- Un assessment por forma parti di e prosedimentu di solisitut;
- Indiká ora di solisitá si bo ta solisitá pa regisor di programa 1, 2 òf 3;
- Bo mester por entregá e diplomanan menshoná den bo CV;
- Bo mester ta kapas di entregá un deklarashon tokante kondukta (VOG).
Sí! Mi ke e trabou akí
Nos ta ansioso pa risibí bo solisitut. Manda bo CV huntu ku bo motivashon promé ku 21 di yüli 2024 na solliciteren@bonairegov.com Bo por dirigí bo karta na Kolegio Ehekutivo, n.a.d. departamento P&O. Nos adrès ta Kaya Aruba 1, Kralendijk, Boneiru. Indiká ora bo ta solisitá si bo ta solisitá pa regisor di programa 1, 2, òf 3!
Bo ta duda ainda òf bo ke sa mas di e funshon? Tuma kontakto e ora ei ku Nicolette Verduin, hefe interino di departamento di Salubridat Públiko òf ku koordinadó di recruitment Linda Velema na (+599) 715 5330 ekstenshon (2124).Pa mas informashon tokante EPB bo por wak na www.bonairegov.com.
