Lider di proyekto BES(t) 4 Kids
Bo ta gusta komprometé bo mes pa un mihó futuro pa mucha? Bo tin eksperensia ku trahamentu a base di proyekto i bo ta sinti bo mes na kas den un ambiente dinámiko kaminda traha huntu ta para sentral? E ora ei t’abo nos ta buskando!
Kiko bo ta bai hasi?
Komo lider di proyekto den e programa di BES(t) 4 Kids, bo ta karga responsabilidat pa un pakete di tarea amplio i multifasétiko. E programa ta konsistí di diferente liña pa loke ta trata kontenido, entre otro legislashon i regulashon, supervishon, kalidat, finansa, kuido i bibienda. Bo ta responsabel pa e kordinashon general i guia diario di e programa na Boneiru. Bo ta traha estrechamente huntu ku bo koleganan den e tim di BES(t) 4 Kids i bo ta forma un vínkulo importante entre e programa i otro departamentonan den Entidat Públiko Boneiru. Bo ta tene supervishon, bo ta vigilá e progreso i bo ta sòru pa plannan no keda para solamente riba papel, pero pa nan keda debidamente ehekutá. Bo ta hasi esaki den kolaborashon estrecho ku tur partido enbolbí. Ku bo vishon, determinashon i kapasidat konektivo bo ta realisá mehorashonnan duradero den kalidat di akohida durante dia i akohida despues di skol na Boneiru. Ku esaki bo ta duna un aporte direkto na un base fuerte pa nos muchanan na nos isla.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 9 i ta resultá den minimalmente $ 3225 i maksimalmente $ 4185 pa luna. E salario regular pa e funshon akí ta kai den eskala 10 i ta sòru pa un salario di minimalmente $ 3825 i maksimalmente $ 4625 pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon a base di proyekto di 2 aña. Den kaso di satisfakshon mutuo tin un opshon pa prolongashon.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa por traha na Entidat Públiko Boneiru, un eksigensia ta ku, banda di e kondishonnan menshoná akí riba, bo ta kumpli tambe ku loke tin deskribí akí bou.
• Un formashon HBO kompletá, preferibelmente den direkshon di e área sosial;
• Minimalmente 2 aña di eksperensia di trabou relevante den un ròl komparabel;
• Afinidat ku akohida pa mucha, enseñansa òf maneho di hubentut;
• Bo ta konektivo, desididu i ku enfoke riba resultado;
• Bo ta papia papiamentu òf bo ta dispuesto pa siña esaki dentro di 1 aña;
• Bo por traha bon ku sistemanan digital.
Loke ta importante tambe pa sa
• Un assessment ta forma parti di e prosedura di solisitut;
• Bo mester por entregá e diplomanan ku bo a logra i ku ta menshoná den bo CV;
• Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku promé di sèptèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku e direktor interino di Komunidat i Kuido sr Gerold van Elshuis òf ku e konsehero di Rekurso Humano (HR) Dayanne Alvarado Arroyo via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
