Lider di Deporte Indebon
Bo ta spòrtif, entusiasmá i bo gusta stimulá i guia otro hende? E ora ei e funshon akí komo lider di deporte na Indebon ta algu pa bo!
Kiko bo ta bai hasi?
Komo Lider di Deporte na Indebon bo ta sòru pa mucha, hóben i adulto move ku plaser. Bo ta organisá aktividat di deporte, bo ta guia lès di deporte i bo ta inspirá e partisipantenan pa ta aktivo na un manera salú i entusiasmá. Bo ta organisá aktividat di deporte via skol, bo ta koordiná wega i kompetensia, i bo ta guia diferente tipo di deporte manera futbòl, basketbòl, sòftbòl, tènis i pinpòn. Durante kompetensia bo ta sòru pa tur kos kana na un manera spòrtif, i bo ta motivá e partisipantenan pa presta mas mihó posibel. Banda di esaki bo ta organisá aktividat rekreativo plasentero den nos barionan, manera tramèrdia di wega, kwes i otro eventonan deportivo. Tambe bo ta duna lès di landamentu na alumnonan di skol básiko, kaminda bo ta sòru pa un ambiente seif i edukativo. Bo ta sostené e dosentenan ora tin lès di deporte i wega, i bo ta yuda prepará i ehekutá programanan di deporte.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. E salario regular pa e funshon akí ta kai den eskala 7 i ta sòru pa un salario di minimalmente $ 2520 i maksimalmente $ 3360 pa luna. Banda di esaki bo por konta ku:
- Sèn di fakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombramentu di 1 aña. Den kaso di satisfakshon mutuo tin un opshon pa un relashon di trabou vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
- Un formashon kompletá di MBO den direkshon di Aplikashon di Deporte òf un formashon komparabel;
- Minimalmente un aña di eksperensia di trabou den un funshon komparabel;
- Konosementu di téknikanan di deporte i métodonan didáktiko pa duna guia na diferente grupo di enfoke;
- Konosementu di instrukshonnan di siguridat den deporte i rekreashon, i aplikashon di esakinan durante aktividat;
- Konosementu di téknikanan di EHBO i reanimashon;
- Den poseshon di un sertifikado òf diploma bálido pa duna lès di landamentu;
- Abilidat pa loke ta trata duna guia na alumno i anda na un manera profeshonal i positivo ku komportashon;
- Abilidat komunikativo i sosial fuerte i kapasidat pa hasi bon kontakto ku alumno, kolega i otro personanan enbolbí;
- Abilidat pa loke ta trata traha den tim i na un manera independiente organisá i ehekutá aktividat deportivo;
Bon dominio di hulandes, papiamentu, spañó i ingles.
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 4 di sèptèmber 2026 na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
