Konsehero di Maneho B/Sekretario di Programa
Entidat Públiko Boneiru ta den un proseso di transishon, den kua e organisashon ta bai traha mas a base di programa. Nos ta buskando persona dediká ku ke traha huntu ku nos na un ambiente di trabou dirigí riba futuro i dunamentu di servisio. Nos tin diferente reto pa enfrentá i mester di bo pa esei! Huntu nos por traha pa yega na un servisio mihó ainda pa komunidat. Pa e programa Werken en Welvaart &Welzijn, Trabou i Prosperidat & Bienestar di Boneiru, direktorado di Komunidat & Kuido ta en buska di un Konsehero di Maneho B/Sekretario di Programa.
Kiko bo ta bai hasi?
Den e posishon klave akí, bo tin un ròl krusial den kordinashon di inisiativa di maneho i tarea di maneho dirigí pa logra meta di e programa di WWW. Bo ta konsehá i sostené e mènedjernan di programa i direktor. Bo ta enkargá ku komunikashon ku stakeholder (esta ministerio, instansia, i organisashon di implementashon). Bo ta responsabel pa kordinashon i planifikashon di agènda di e Konsulta Gubernamental Interdepartamental di ministerionan embolbí i organisashon di implementashon i bo ta sòru pa buska informashon di i tokante tim di tarea i progreso di aktividat i proyekto ku ta kai bou di nan. Bo ta responsabel tambe pa e áreanan di maneho ku nan a konfia bo kuné. Den esei bo ta inisiá independientemente investigashon i ta hasi análisis di maneho i ta raportá tokante esaki na e mènedjernan di programa, direktor i konsehero di maneho embolbí. Bo ta responsabel pa monitoriá desaroyo den área di atenshon i ta tradusí esakinan den maneho i aktividat. Bo tareanan ta konsistí entre otro di :
- Konsehá direktor ora di tuma desishon stratégiko i konsehá tokante desaroyo di maneho;
- Kordiná i vigilá sinkronisashon di maneho i koperashon denter di direktorado i otro direktorado;
- Desaroyá, ehekutá i evaluá maneho di direktorado i fiha prioridat;
- Kontrolá proposishon di maneho pa wak si por ehekutá nan, si nan ta kla pa tuma desishon, si nan ta sólido i sin tin riesgo;
- Prepará reunion di tim di mènedjer i kordiná tumamentu di desishon;
- Kordinashon di planifikashon integral i funshon di kontròl na direktorado;
- Mantené kontakto ku ret eksterno i partisipá na struktura di konsulta.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo boka di trabou pero tambe den rekompensa pa bo trabou. Si bo no ta kumpli ku tur eksigensia ku ta kuadra ku e funshon akí nos ta hasi uso di un eskala inisial. Esaki ta eskala 10 i ta trata di minimalmente $ 3825,- i maksimalmente $ 4625,- pa luna. E salario regular pa e funshon akí ta kai den eskala 11 i ta sòru pa un salario di minimalmente $ 4390,- i maksimalmente $ 5240,- pa luna. Banda di esaki bo por konta ku:
- Sèn di vakansi di 8,33%;
- Pago di un di 13 luna ful;
- 168 ora di vèrlòf i 5 dia èkstra di vèrlòf stipulá adelantá;
- Un areglo ekselente di penshun;
- Un siman di trabou fultaim di 36 ora;
- Un nombramentu a base di proyekto pa 2 aña, ku despues e posibilidat di prolongashon;
Ta basa bo salario finalmente riba bo formashon, abilidat i eksperensia. Partishon di bo siman di trabou ta flèksibel, ta fiha esei den konsulta ku bo hefe. Nos tin tambe algun kondishon sekundario di labor atraktivo, gustosamente nos ta konta bo mas di esei durante bo prosedura di solisitut.
Kiko ta e eksigensianan
E posishon aki ta rekerí ekspertisio profundo i basta eksperensia den e área di trabou di direktorado, i tambe un konosementu sólido di problema atministrativo ku ta aplikabel riba e spesialidat konserní i áreanan ligá. Ademas, bo mester tin un bista i konosementu amplio di e fasetanan sosial, finansiero, téniko, hurídiko i polítiko/atministrativo ku ta hunga un ròl den e proseso pa yega na tumamentu di desishon. E konosementu atkerí akí ta forma fundeshi pa desaroyá maneho stratégiko i dunamentu di konseho na direktor. Banda di esei bo mester kumpli ku e siguiente eksigensianan pa e funshon:
- Formashon di enseñansa profeshonal superior (HBO) relevante;
- Por lo ménos un aña di eksperensia den un funshon similar;
- Bo ta na altura di problema sosial i reto sosial di Boneiru;
Ta ferwagt di bo ku bo ta papia i skirbi hulandes i ku bo ta papia papiamentu òf ta dispuesto pa siña esei. Komo ku nos ta digitalisando nos prosesonan na EPB, ta importante pa bo ta digitalmente ábil.
Loke ta importante tambe pa sa
Ta laga hasi un assessment komo parti di prosedura di solisitut. Bo mester entregá e diplomanan ku bo tin ku bo a menshoná riba bo CV. Pa por traha pa EPB bo mester ta kapas di entrega un deklarashon tokante kondukta (VOG).
Sí! Mi ke e trabou akí
Nos ta ansioso pa risibí bo solisitut. Manda bo CV huntu ku bo motivashon promé ku 31 di yüli 2025 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo ta duda ainda of bo ke mas informashon tokante e funshon? Tuma kontakto e ora ei ku Gerold van Eshuis, direktor interino na direktorado komunidat i kuido òf Dayanne Alvarado Arroyo, konsehero di HR na (+599) 715 5330 (ekstenshon 2124). Pa mas informashon tokante EPB bo por bishitá www.bonairegov.com.
