Konsehero di Maneho B - Obra Sivil
Bo ke kontribuí na desaroyo di infrastruktura sostenibel na nos dushi Boneiru? Entidat Públiko Boneiru ta buskando un konsehero di maneho – obra sivil ku sa kon pa tradusí maneho den solushonnan konkreto.
Kiko bo ta bai hasi?
Komo Konsehero di Maneho B / obra sivil na Entidat Públiko Boneiru den direktorado di Planifikashon i Desaroyo bo ta hunga un ròl importante den desaroyo di infrastruktura i ambiente di biba, i den maneho riba tereno di karetera i otro fasilidatnan sivil tékniko ku ta di importansia krusial pa Boneiru su desaroyo sostenibel. E funshon ta enserá entre otro e siguiente tareanan:
- Na un manera klarito i bon argumentá bo ta formulá nota di maneho, raportahe i konseho pa gobièrnu i management;
- Bo ta fungi komo ‘sparringpartner’ a base di kontenido pa management i aktivamente bo ta duna ‘input’ na momentu di desishonnan stratégiko i eskoho di maneho;
- Bo ta partisipá na proyektonan i gruponan di direkshon dentro di bo área di maneho i bo ta duna un aporte balioso na esakinan;
- Bo ta duna sosten na momentu di formulashon di presupuesto, bo ta vigilá e ‘budget’ i bo ta duna bo kolaborashon na e balotashon di mas aña;
- Bo ta señalá i analisá puntonan problemátiko i desaroyonan dentro di obra sivil, tráfiko i transporte i bo ta tradusí esakinan den oportunidatnan basá riba maneho pa Boneiru.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 10 i ta trata di minimalmente $ 3825 i maksimalmente $ 4625 pa luna. E salario regular pa e funshon akí ta kai den eskala 11 i ta sòru pa un salario di minimalmente $ 4390 i maksimalmente $ 5240 pa luna. Banda di esaki bo por konta ku:
- Sèn di vakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombrashon di 1 aña. Den kaso di satisfakshon mutuo tin un opshon pa un relashon di trabou vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Komo Konsehero di Maneho – obra sivil bo tin un sentido grandi di responsabilidat i bo ta aktua ku bista pa sensitividat polítiko i organisatorio. Banda di esaki bo ta disponé di:
- Un formashon relevante na minimalmente nivel di HBO, preferibelmente den direkshon di téknika sivil òf un estudio komparabel;
- Minimalmente 4 aña di eksperensia den un funshon similar;
- Afinidat ku e konteksto karibense;
- Dominio di hulandes, tantu verbal komo por eskrito;
- Bo ta papia papiamentu òf bo ta dispuesto pa siña esaki dentro di un aña;
- Bo por traha bon ku sistemanan digital.
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra i ku ta menshoná riba bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 9 di sèptèmber 2025 na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Reklutashon òf ku e konsehero di rekurso humano (HR) Joshua Carter via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
