Konsehero di Maneho B / Kultura
Bo ke kontribuí na desaroyo stratégiko di e área kultural na Boneiru? Bo ta un konsehero di maneho ku un bista stratégiko skèrpi, ku sentido pa desaroyonan sosial i ku kapasidat pa krea konekshon entre diferente tema di kultura? Bo por tradusí problemanan kompleho den eskoho di maneho klarito i bo ta un ‘sparringpartner’ sólido pa bo koleganan i pa gobièrnu? E ora ei ta abo nos ta buskando!
Kiko bo ta bai hasi?
Komo Konsehero di Maneho B / Kultura den direktorado di Komunidat i Kuido bo ta traha riba desaroyo stratégiko di e área kultural den su totalidat. Por hasi uso di bo riba diferente tereno pa loke ta trata un variedat di problema relashoná ku kultura, i bo ta duna un aporte importante na desaroyo, asesoramentu i ehekushon di maneho di kultura. Den esaki bo ta señalá i analisá desaroyonan sosial, insular, regional i nashonal, i bo ta tradusí esakinan den maneho integral ku enfoke riba futuro ku ta konektá ku Boneiru su ambishonnan.
Bo no ta funshoná a base di un solo fail delineá, pero surpasando e área konserní bo ta traha huntu ku otro personanan i instansianan ku ta responsabel pa failnan kultural. Bo ta un ‘sparringpartner’ a base di kontenido pa entre otro e hefe di departamento di SKAL, e ‘kwartiermaker’ di Kultura, e coachnan kultural, e ménedjer di programa pa Kultura i Patrimonio i e mènedjer di programa pa Idioma. Huntu bo ta duna direkshon na desaroyo mas aleu di e área kultural i bo ta sòru pa koherensia entre e diferente áreanan di maneho. Den e tim bo ta traha entre otro riba problemanan riba tereno di maneho di kultura, maneho di museo, restitushon di artefaktonan kolonial i restunan humano, maneho di patrimonio, e konekshon ku otro tareanan sosial, manera maneho di idioma i maneho di hubentut. A base di bo ròl stratégiko bo ta logra konektá desaroyonan, interesnan i ambishonnan gubernamental ku otro.
Bo ta asesorá e direktorado, tantu ora nan pidi esaki i tambe ora nan no pidi esaki, tokante problemanan di maneho i problemanan stratégiko. Banda di esaki bo ta representá e organisashon den gruponan di konsulta i gruponan di trabou interno i eksterno, i bo ta kontribuí na sinkronisashon i desaroyo mas aleu di maneho. Bo ta tradusí eskohonan di maneho den kuadronan konkreto, bo ta vigilá progreso di e ehekushon i bo ta hasi proposishon pa mehorashon ora ku esaki ta nesesario.
Banda di trabounan di maneho, bo ta duna guia na òf bo ta koordiná proyektonan den e área kultural. Bo ta vigilá e planifikashon, kalidat, finansa i progreso i bo ta sòru pa e proyektonan kontribuí na e metanan stratégiko di e organisashon. Danki na bo sensitividat atministrativo, bo kapasidat analítiko i bo konosementu amplio di e vèlt kultural, bo ta duna un aporte importante na un área kultural koherente, resiliente pa futuro i vibrante pa Boneiru.
Loke nos ta ofresé bo
E salario regular pa e funshon akí ta kai den eskala 11 i ta sòru pa un salario di minimalmente $ 4390 i maksimalmente $ 5240 pa luna. Banda di esaki bo por konta ku:
- Sèn di fakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombramentu a base di proyekto pa un durashon di 10 luna.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
- Bo ta traha i pensa riba nivel di HBO/WO den un área relevante di maneho;
- Minimalmente 2 aña di eksperensia relevante di trabou den un funshon similar;
- Konosementu di legislashon i regulashon i instrukshonnan di maneho relevante;
- Abilidat den análisis di desaroyo (di maneho) i den formulashon di konseho i rapòrt;
- Bon abilidat pa komprendé karakter i komportashon di hende (mensenkennis), i eksperensia ku maneho di stakeholder den un konteksto polítiko gubernamental;
- Abilidat pa duna guia na proyekto;
- Bon abilidat di ekspreshon verbal i por eskrito na hulandes i papiamentu;
- Bo por traha bon ku sistemanan digital.
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 30 di sèptèmber na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
