Konsehero di Maneho A
Entidat Públiko Boneiru ta buskando koleganan nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Konsehero di Maneho A / Empleado di Wob (Wet openbaarheid van bestuur – Lei Transparensia di Gobernashon), bo ta responsabel pa koordinashon i tratamentu di súplika pa publikashon di informashon di gobièrnu den Entidat Públiko Boneiru. Bo ta sòru pa e súplikanan keda tratá kuidadosamente, na tempu i konforme e legislashon i regulashon vigente.
Bo ta koordina e petishonnan pa informashon den e organisashon, bo ta vigilá e términonan legal i bo ta kompilá failnan kompleto. Banda di esaki bo ta evaluá dokumentunan a base di e motibunan ku ta aplikabel pa eksepshon, bo ta prepará anonimisashon i bo ta señalá riesgonan hurídiko, entre otro riba tereno di privasidat, konfidensialidat i sensibilidat atministrativo.
Bo ta formulá konsepto di desishon, konseho, súplika pa punto di bista, karta akompañante i sobrá korespondensia. Den esaki bo ta sòru pa un formulashon hurídiko klarito i un balansamentu kuidadoso. Tambe bo ta duna konseho na gobièrnu, direktoradonan i koleganan tokante problemátikanan relashoná ku transparensia di gobernashon i bo ta duna sosten ku proseduranan di opheshon i apelashon ku ta surgi for di desishonnan di Wob. Banda di tratamentu di fail individual, bo ta duna un aporte aktivo na desaroyo i profeshonalisashon mas aleu di e proseso di Wob den Entidat Públiko Boneiru.
Pa medio di bo aktitut proaktivo, bo abilidatnan fuerte di koordinashon, bo minusiosidat i bo sensitividat atministrativo, bo ta logra trata vários fail na mes momentu i bo ta duna un aporte importante na un gobernashon kuidadoso, transparente i konfiabel.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki na eskala 9 i ta resultá den minimalmente $ 3225 i maksimalmente $ 4185 pa luna. E salario regular pa e funshon akí ta kai den eskala 10 i ta sòru pa un salario di minimalmente $ 3825 i maksimalmente $ 4625 pa luna. Banda di esaki bo por konta ku:
- Sèn di fakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombramentu di 1 aña. Den kaso di satisfakshon mutuo tin un opshon pa un relashon di trabou vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa e funshon akí nos ta buskando un profeshonal proaktivo i minusioso. Bo ta analítiko, bo ta traha den un forma strukturá i bo sa kon pa evaluá petishonnan kompleho pa informashon na un manera klarito, i tradusí esakinan den konseho i desishon bon argumentá. Banda di esaki bo tin e kapasidat pa komprendé kon un organisashon realmente ta funshoná, bo por anda bon ku informashon konfidensial i den un forma independiente bo por kontrolá vários fail i proseso na mes momentu.
Mas aleu bo ta disponé di:
- Un formashon kompletá di HBO den direkshon di Derecho, Siensia Atministrativo òf un formashon relevante komparabel;
- Eksperensia ku formulashon di konseho (hurídiko), desishon i korespondensia;
- Abilidat ekselente di ekspreshon, tantu verbal komo por eskrito;
- Kapasidat analítiko i kapasidat pa trata súplika húridiko pa informashon;
- Bon abilidat organisatorio i kapasidat pa koordiná vários fail na mes momentu;
- Un aktitut di trabou independiente, proaktivo i minusioso;
- Un dominio ekselente di idioma hulandes, tantu verbal komo por eskrito;
- Bo ta papia papiamentu òf bo ta dispuesto pa siña esaki dentro di un aña.
Loke ta importante tambe pa sa
- Un assessment por forma parti di e prosedura di solisitut;
- Bo mester por entregá e diplomanan ku bo a logra i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 4 di sèptèmber 2026 na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
