Konsehero B di Maneho Asuntu Ekonómiko
Entidat públiko Boneiru ta buskando koleganan nobo ku ta pashoná, motivá i inovativo. Abo ta e kolega resiliente pa futuro ku nos ta buskando?
Kiko bo ta bai hasi?
Komo Konsehero B di Maneho Asuntu Ekonómiko, bo ta responsabel pa desaroyo di diferente dokumento di maneho riba tereno sosioekonómiko i tradukshon di esei na regulashon, liñanan di0guia i instrumento ku ta usa pa yega na realisashon di maneho. Bo ta okupá bo mes ku planiamentu di desaroyo na nivel sosioekonómiko i ta duna konseho di maneho riba terene makro sosioekonómiko. Banda di esei bo ta kolekshoná i manehá dato sosioekonómiko i bo ta konsehá tokante uso korekto di esakinan, i tambe tokante nan efekto. Bo ta reuní internamente i eksternamente ku diferente stakeholder. Bo ta duna informashon tokante asuntu sosioekonómiko. Bo por ferwagt di haña otro tarea ku tin deskribí aki bou :
- Entrega di dato pa vigilansia di presupuesto, dato pa presupuestonan i kalkulashon di mas aña;
- Sòru pa finalisashon atministrativo i finansiero;
- Informá gerensia tokante aserkamentu di proyekto, progreso i konsehá tokante posibel solushon pa punto problemátiko i problema;
Loke nos ta ofresé bo
Na EPB nos ta haña balorashon importante, bo ta ripará esaki na boka di trabou pero tambe den e rekompensa pa bo trabou. Si bo no ta kumpli ful ainda ku e eksigensianan di e funshon nos ta hasi uso di un eskala inisial. Esaki ta eskala 10 i ta resultá den un salario ku un mínimo di $3.825 i un máksimo di $4.625 pa luna. E salario regular pa e funshon akí ta kai den eskala 11 i ta resultá den un salario ku un mínimo di $4.390 i un máksimo di $5.240 pa luna. Banda di esei bo por konta ku :
- 8,33% plaka di vakansi;
- Un di 13 luna kompleto;
- 168 ora di verlòf 5 dia èkstra di verlòf ku ta fihá adelantá.
- Un areglo ekselente di penshun;
- Un siman di trabou ful taim di 36 ora;
- Un nombramentu pa 1 aña, si ambos partido ta satisfecho tin e opshon pa drenta den servisio fiho.
Ta fiha e salario a base di bo formashon, konosementu i eksperensia. Repartishon di bo siman di trabou ta fleksibel i lo fiha esei den konsulta ku bo hefe. Banda di esei nos tin un par di kondishon laboral sekundario ku ta atraktivo, gustosamente nos ta konta bo mas di esei durante bo prosedura di solisitut!
Kiko ta e eksigensianan
Pa por ehersé e funshon akí na e nivel deseá bo tin konosementu di lei i regulashon ku tin di haber ku bo direktorado: Planifikashon i Desaroyo. Bo tin abilidat tambe pa guia proyekto i bo ta kumpli ku e eksigensianan ku tin aki bou :
- Un formashon na nivel di hbo ku bo a kaba, riba tereno di ekonomia;
- 4 aña di eksperensia den un funshon similar;
- Bo tin konosementu di gobièrnu insular, Entidat Públiko Boneiru i di organisashon di Direktorado Planifikashon i Desaroyo.
- Dominio di papiamentu i hulandes tantu verbal komo por eskrito;
- Bon abilidat digital.
Loke ta importante tambe pa sa
- Un assessment ta forma parti di prosedura di solisitut;
- Bo mester entregá e diplomanan ku bo tin i ku ta menshoná riba bo CV
- Bo mester ta kapas pa entregá un deklarashon tokante kondukta (VOG).
Sí! Mi ke e trabou akí
Nos ta ansioso pa haña bo solisitut. Manda bo CV huntu ku bo motivashon promé ku 25 di òktober 2025 na solliciteren@bonairegov.com Bo por dirigí esaki na Kolgie Ehekutivo, na atenshon di departamento di P&O/ Nos adrès ta Kaya Aruba 1, Kralendijk, Boneiru.
Bo ta duda ainda òf bo tin gana pa haña mas informashon? Tuma kontakto e ora ei ku konsehero Joshua Carter via (+599) 715 5330. Pam as informashon tokante EPB por wak na www.bonairegov.com
