Hefe di Departamento di Maneho di Espasio Públiko
Entidat públiko Boneiru ta buska kolega nobo dediká, motivá i inovador. Bo ta e kolega bon prepará pa futuro ku nos ta buska?
Kiko bo ta bai hasi?
Komo hefe di departamento Maneho di Espasio Públiko (BOR) bo ta responsabel pa desaroyá, kordiná i ehekutá plannan di maneho pa espasio públiko na Boneiru. Bo ta traha estrechamente ku kontratista, instansia di gobièrnu i abitante pa garantisá un ambiente di biba agradabel ku ta bon mantené. Ademas bo ta dirigí un tim i ta sòru pa hasi e trabounan di un forma efisiente i segun planifikashon.
Bo tareanan:
• Kordiná i ehekutá e plan di maneho i mantenshon anual pa espasio públiko, kamindanan, áreanan bèrdè i sistema di riol;
• Kontrolá i vigilá presupuesto, traha kálkulo pa vários aña i duna input pa presupuestonan;
• Supervisá kalidat i progreso di proyektonan i atendé en kolaborashon ku kontratista i esnan den ehekushon pa solushoná problema;
• Mantené kontakto ku abitante, organisashon i otro stakeholdernan, inkluyendo organisashon di enkuentro di informashon i deliberashon;
• Dirigí e tim, hiba kombersashon tokante funshonamentu i evaluashon di trabou, i sòru pa un bon ambiente na trabou i koperashon;
• Reportá na gerensia tokante maneho, ehekushon i resultado den maneho di espasio públiko.
Loke nos ta ofresé bo
Pa EPB balorashon ta importante. Bo ta ripará esaki na boka di trabou pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan pa e funshon akí, nos ta hasi uso di un eskala di inisio. Esaki ta eskala 12 ku un salario ku un mínimo di $5.070,- i un máksimo di $5.920,- pa luna. E salario regular pa e funshon akí ta den eskala 13 ku un salario ku un mínimo di $5.835,- i un máksimo di $6.685,- pa luna. Banda di esei bo por konta ku :
• 8,33% plaka di fakansi;
• Un di 13 luna kompleto
• 168 ora di ferlòf i 5 dia èkstra di ferlòf ku ta fihá adelantá;
• Un areglo di penshun ekselente;
• Un siman di trabou fultaim di 36 ora;
• Un nombramentu pa 1 aña. Si ámbos partido ta satisfecho tin e opshon pa drenta den servisio fiho.
Ta fiha bo salario finalmente basá riba bo formashon, abilidat i eksperensia. E repartishon di bo siman di trabou ta flèksibel i lo fiha esei den konsulta ku bo hefe. Banda di esaki nos tin un kantidat di kondishon laboral sekundario ku ta atraktivo, gustosamente nos ta konta bo mas di esaki durante e prosedura di solisitut.
Kiko ta e eksigensianan
Pa e funshon akí nos ta buska un profeshonal ku eksperensia ku ta dediká i ku pashon pa maneho i mehoramentu di espasio públiko. Eksperensia ku liderazgo ta rekerí, meskos ku e kapasidat pa traha stratégikamente i dirigí riba resultado. Banda di esei bo ta kumpli ku e siguiente eksigensianan:
• Un formashon di hbo, preferiblemente den un área tékniko
• Un mínimo di 4 aña den un funshon similar
• Konosementu di maneho i mantenshon di espasio públiko, téknika sivil, área bèrdè i sistema di riol;
• Eksperensia ku trahamentu di presupuesto i maneho di proyekto;
• Abilidat den organisashon di enkuentro ku abitante i dunamentu di informashon;
• Abilidat ekselente pa komuniká i kapasidat pa traha efektivamente huntu ku diferente stakeholder;
• Bon dominio di hulandes tantu verbal komo por eskrito;
• Abilidat pa skirbi i papia papiamentu òf disposishon pa siña esaki denter di un aña;
• Bon abilidat digital;
Loke ta importante tambe pa sa
• Un assessment por forma parti di e prosedura di solisitut;
• Bo mester por entregá e diplomanan ku bo a haña i ku ta menshoná riba bo CV;
• Bo mester ta kapas di entregá un deklarashon tokante kondukta (VOG);
Sí! Mi ke e trabou akí
Nos ta ansioso pa risibí bo solisitut. Manda bo CV huntu ku bo motivashon promé ku 20 di mei 2025 na solliciteren@bonairegov.com. Por manda esaki pa Kolegio Ehekutivo, na atenshon di departamento di P&O. Nos adrès ta Kaya Aruba 1, Kralendijk, Boneiru.
Bo tin duda ainda òf bo ke mas informashon tokante e funshon? Tuma kontakto e ora ei ku Joshua Carter, via (+599) 715 5330. Pa mas informashon tokante EPB subi www.bonairegov.com.
