Empleado di Komunikashon i Protokòl
Entidat públiko Boneiru ta buskando koleganan nobo ku ta pashoná, motivá i inovativo. Bo ta ekolega resiliente pa futuro ku nos ta buskando?
Kiko bo ta bai hasi?
Komo empleado di komunikashon i protokòl bo ta bai traha na nos departamento di komunikashon i protokòl. Huntu ku bo koleganan bo ta duna servisio na (un parti di) entidat públiko Boneiru. Bo ta yuda koleganan organisá i plania enkuentro di informashon i evento. Tambe bo ta yuda skirbi i redaktá komunikado pa prensa, boletin informativo i diskurso. Otro trabounan ku bo por verwagt ta entre otro:
- Diseñá material di informashon, traha rekorte digital di korant i apliká nos estilo di kas (identidat di nos organisashon) stipulá;
- Sòru pa ilustrashon pa kompañá foyeto;
- Publiká aviso i artíkulo den korant;
- Formulá ‘script’ pa lùnch, sena i konferensia di prensa;
- Aktualisá nos intranèt i nos wèpsait;
- Sòru pa regalo promoshonal.
- Trabou di protokòl
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. E salario regular pa e funshon akí ta kai den eskala 9 i ta sòru pa un salario di minimalmente $3.225,- i maksimalmente $4.185,- pa luna. Banda di esaki bo por konta ku:
-
Sèn di vakansi di 8,33%;
-
Un ‘13ᵉ maand’ kompleto;
-
168 ora di vèrlòf i 5 dia èkstra di vèrlòf stipulá adelantá;
-
Un areglo di penshun ekselente;
-
Un siman di trabou fultaim di 36 ora;
-
Un nombrashon di 1 aña. Den kaso di satisfakshon mutuo tin un opshon pa un relashon
-
di trabou vast.
E salario ta a base di bo formashon, abilidat i eksperensia. Repartishon di bo siman di trabou ta
fleksibel i lo keda stipulá den konsulta ku bo hefe. Banda di esei nos tin algun otro kondishon
laboral sekundario atraktivo, tokante kua gustosamente nos ta konta bo mas durante bo
prosedura di solisitut!
Kiko ta e eksigensianan
Komo empleado di komunikashon bo ta sostené nos konseheronan di komunikashon. Huntu ku nan bo ta responsabel pa tur komunikashon di entidat públiko Boneiru. Pa por aportá adekuadamente na esaki, nos ta deseá pa bo kumpli ku lo siguiente:
- Un formashon di MBO kompletá den un direkshon relevante;
- Minimalmente 2 aña di eksperensia di trabou den un posishon komparabel;
- Bo ta disponé di sensitividat polítiko gubernamental i bo sa kon pa mantené bo mes riba pia den un ambiente yen di strès;
- Abilidat komunikativo por eskrito i verbal ekselente, ku bista pa gruponan di enfoke i ‘tone of voice’;
- Eksperensia ku medionan digital i medionan sosial; bo ta na altura di e último trèntnan riba tereno di medionan di komunikashon;
- Bo tin eksperensia den un organisashon di gobièrnu.
Ta verwagt di bo ku bo ta dominá hulandes, papiamentu i ingles. Pa motibu ku na entidat públiko Boneiru nos ta digitalisando nos prosesonan, ta importante ku bo ta disponé di abilidat digital.
Loke ta importante tambe pa sa
- Un assessment ta parti di e prosedura di solisitut;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 9 di yanüari 2026 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku Reklutashon via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
