Empleado di Asuntunan di Personal, Planifikashon i Asuntunan di Boluntario
Biblioteka Públiko Boneiru ta desaroyando su mes diligentemente den un biblioteka sosial, kaminda enkuentro, lesamentu, partisipashon i desaroyo ta sentral. Den kurso di aña 2025 ta bai amplia e tim. Na aña 2026 e intenshon ta pa biblioteka independisá i bira un fundashon independiente ku un modelo di Hunta di Supervishon i e tim lo ta un tim kompleto pa desempeñá e funshon di biblioteka. Aktualmente nos ta buskando un: Empleado di asuntunan di personal, planifikashon i asuntunan di boluntario (1 fte)
Bo ke kontribuí na desaroyo di nos biblioteka na Boneiru? Huntu bo ta edifiká un tim sólido i profeshonal den biblioteka i bo ta guia nan den tur asuntu di personal ku por presentá, den e planifikashon i den dunamentu di guia na boluntarionan. Por lo pronto ta trata akí di un funshon kombiná.
Kiko bo ta bai hasi?
Bo ke kontribuí na desaroyo di nos biblioteka na Boneiru? Komo empleado di asuntunan di personal, planifikashon i asuntunan di boluntario bo ta hunga un ròl klave den realisashon di un tim fuerte den biblioteka. Bo ta organisá i sostené e proseduranan di reklutashon i selekshon, bo ta hasi e komunikashon ku e kandidatonan, bo ta enkargá ku e kontratonan i bo ta e fuente di informashon pa tur kolega di biblioteka riba tereno di asuntunan di personal. Tambe bo ta sòru pa informashon riba tereno di maneho di personal i bo ta organisá kapasitashon i treinen pa tur bo koleganan. Banda di esaki bo ta duna guia na boluntarionan i stazjèrnan na biblioteka. Kaminda ta nesesario bo ta plania i programá bo koleganan riba roster i bo ta sòru pa sinkronisashon na momentu di uso di e espasionan disponibel. Den kaso di malesa bo ta duna guia na e prosedura di ousensia pa motibu di malesa i bo ta sòru pa failnan di personal kompleto i eksakto.
Por lo pronto e funshon akí ta un funshon kombiná. Dependiente di futuro di e organisashon por separá e funshon akí den diferente parti.
Loke nos ta ofresé bo
rekompensa ku bo ta haña pa bo trabou. E salario regular pa funshon akí ta kai den eskala 7 i ta sòru pa un salario di minimalmente $ 2520,00 i maksimalmente $ 3360,00 pa luna. Si ainda bo no ta kumpli ku tur e eksigensianan, e ora ei por tin kestion di un eskala inisial 6. Banda di esaki bo por konta ku:
- Sèn di vakansi di 8,33%;
- Un ‘13ᵉ maand’ kompleto;
- 23 dia di vakansi i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un kontrato di trabou di 1 aña.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Si bo funshonamentu ta satisfaktorio i e sirkunstansianan keda igual, despues di e aña ei lo kambia bo kontrato di trabou den unu pa tempu indefiní. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Na e momentu akí e funshon lo ta enfoká riba edifikashon mas aleu di e organisashon, strukturashon di e atministrashon di personal i strukturashon di e siklo di maneho di personal. Pa motibu ku e organisashon ta nobo, den kuminsamentu esaki ta rekerí e atenshon nesesario, meskos ku ehekushon di e maneho di personal formulá. Bo ta konosí ku maneho di personal, bo ta organisá bon, bo por komuniká na un manera klarito i bo ta gusta traha huntu ku bo koleganan. Ta importante pa bo tin plaser den bo trabou, pa e motibu akí nos ta buskando un hende ku un interes amplio den trahamentu ku hende. Banda di esaki bo ta kumpli ku e eksigensianan menshoná akí bou:
• Bo ta traha i pensa na nivel di MBO+;
• Formashon riba tereno di personal i labor òf un estudio similar;
• Bon dominio di papiamentu i hulandes, tantu verbal komo por eskrito;
• Algun aña di eksperensia den personal i organisashon, preferibelmente den un organisashon sosial;
• Bon abilidat digital relashoná ku nos servisio digital i uso di un sistema digital di atministrashon di personal.
Loke ta importante tambe pa sa
- Bo mester por entregá e diplomanan ku bo a logra i ku ta menshoná den bo CV;
- Bo mester por entregá un deklarashon tokante kondukta (VOG).
- Nos por pidi referensia
Sí! Mi ke e trabou akí
Bo tin duda ainda òf bo ke haña mas informashon tokante e funshon? E ora ei tuma kontakto ku e hefe di departamento di Biblioteka Jennifer Pocornie-Martis òf ku e konsehero di rekurso humano (HR) Dayanne Alvarado Arroyo via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
Nos ta anhelá pa risibí bo solisitut. Manda bo CV huntu ku bo motivashon promé ku 17 di sèptèmber próksimo na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
