Konsehero di Komunikashon
Entidat públiko Boneiru ta buska kolega nobo dediká, motivá i inovador. Bo ta e kolega bon prepará pa futuro ku nos ta buska?
Kiko bo ta bai hasi?
Bo ta bai traha komo konsehero di komunikashon. Den e funshon akí bo ta karga responsabilidat pa konsehá bo propio direktorado tokante problema di komunikashon. Komo konsehero di komunikashon bo ta tuma desishon tokante plan i proyekto di komunikashon, bo ta duna konseho, bo ta stipulá aserkamentu di medio di komunikashon i bo ta sòru pa aktua komo bosero. Aki bou tin par di trabou ku bo por ferwagt:
• Bo ta konsehá maneho i kolega tokante problema di komunikashon via plan di komunikashon, konseho di komunikashon, proposishon, kuadro di komunikashon i strategia.
• Bo ta organisá i plania ehekushon di proyekto di komunikashon, ta manehá e medionan nesesario, i ta sòru pa entrega di material di komunikashon ku ta di bon kalidat i na tempu.
• Bo ta organisá konferensia di prensa, ta skirbi komunikado pa prensa, i ta formulá kiko e persona ku ta hiba palabra durante e rueda di prensa ta bisa.
Bo ta bin traha den un tim di konsehero di komunikashon. Kada miembro di e tim ta konsehá un direktorado. Huntu ku otro kolega bo ta vigilá e maneho aktual di komunikashon. Bo koleganan semper ta para kla pa interkambiá idea ku bo i bini ku sugerensia pa kaso òf situashonnan andando.
Loke nos ta ofresé bo
Pa EBP balorashon ta importante. Bo ta ripará esaki na boka di trabou pero tambe den e rekompensa ku bo ta haña pa bo trabou. E salario regular pa e funshon akí ta kai den eskala 11 i ku un un salario di minimal $ 4.390,- i maksimal 5.240,- pa luna. Banda di esei bo por konta ku:
• 8,33% sèn di vakansi;
• Un di 13 luna kompletu
• 168 ora di fèrlòf i 5 dia èkstra di fèrlòf ku ta fihá adelantá;
• Un areglo di penshun ekselente;
• Un siman di trabou fultaim di 36 ora;
• Un nombramentu pa 1 aña. Den kaso ku ambos partido ta satisfecho, tin e opshon pa servisio fiho.
Ta fiha e salario basá riba bo formashon, abilidat i eksperiensia. E repartishon di bo siman di trabou ta flèksibel i lo fiha esei den konsulta ku bo hefe. Banda di esaki nos tin un kantidat di kondishon laboral sekundario ku ta atraktivo, gustosamente nos ta konta bo mas di esaki durante e prosedura di solisitut!
Kiko ta e eksigensianan
Pa por traha komo konsehero di komunikashon, bo mester kumpli ku un kantidat di eksigensia. Un formashon na nivel di HBO den komunikashon ta un eksigensia mínimo. Banda di esei nos buska un hende ku ta disponé di e siguiente abilidat i kalidatnan:
• Konosementu di kontenido di trabou i ta na altura di e delaster desaroyonan den ramo i siensia di komunikashon;
• Representativo ku abilidat fuerte pa komunikashon;
• Eksperiensia òf afinidat ku komunikashon di gobièrnu;
• Proaktivo ku konosementu di relashon den gobièrnu i konosementu di programa di maneho
Pa por traha na entidat públiko Boneiru ta rekerí ku banda di e kondishonnan menshoná anteriormente, bo ta kumpli tambe ku loke tin deskribí aki bou:
• Dominio di idioma hulandes, tantu verbal komo por eskrito;
• Abilidat verbal na idioma papiamentu, òf disposishon pa siña esaki denter di 1 aña;
• Bon abilidat digital
Loke ta importante tambe pa sa
• Un assesment ta forma parti di e prosedura di solisitut;
• Bo mester ta kapas di entregá un deklarashon tokante kondukta (VOG).
Sí! Mi ke e trabou akí
Nos ta ansioso pa risibí bo solisitut. Manda bo CV huntu ku bo motivashon promé ku 16 di sèptèmber 2025 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento P&O. Nos adrès ta Kaya Aruba 1, Kralendijk, Boneiru.
Bo ta duda ainda òf bo ke mas informashon tokante e funshon? Tuma e ora ei kontakto ku Nina Kwakman, konsehero di HR via nina.kwakman@bonairegov.com òf hefe interino di komunikashon Kenneth Charlemagne via (+599) 715 5330.
