Konsehero di Maneho B – Asuntunan Ekonómiko
Entidat Públiko Boneiru ta trahando pa logra un mihó Boneiru. Nos no por hasi esaki nos so. Nos ta buskando hende entusiasmá ku ke traha huntu ku nos pa yega na un ambiente di trabou resiliente pa futuro. Nos ta enfrentando desafionan nobo i nos tin mester di bo den esaki!
Kiko bo ta bai hasi?
Komo konsehero di maneho B – asuntunan ekonómiko bo ta traha riba maneho ku ta kontribuí na un desaroyo ekonómiko salú i balansá na Boneiru. E tereno di maneho Asuntunan Ekonómiko ta enfoká riba tópikonan manera trabou i entrada, kresementu ekonómiko i desaroyo di empresa na nos isla. Pa medio di sigui desaroyonan sosial ekonómiko i traha ku sifra i análisis, nos ta optené konosementu tokante loke ta pasando na Boneiru i tokante kua atenshon ta nesesario pa futuro. E konosementu akí ta forma e base pa eskohonan di maneho ku tin influensia riba nos habitantenan, empresanan i organisashonnan sosial.
Den e funshon akí bo ta karga responsabilidat pa formulashon i elaborashon mas aleu di vários dokumentu di maneho sosial ekonómiko. Esaki ta enserá entre otro stimulashon di empresa mediano i chikí, desaroyo di maneho di preis, formulashon di proposishon di maneho pa fortifiká sektornan ekonómiko, i registrashon i maneho di datonan makro ekonómiko. Bo ta tradusí maneho den regulashon, instrukshon i hèrmènt ku ta aplikabel den práktika. Banda di esaki bo ta okupá bo mes ku planifikashon di desaroyonan sosial ekonómiko i dunamentu di konseho sosial ekonómiko amplio. Bo ta kolektá, manehá i analisá datonan sosial ekonómiko i bo ta duna konseho tokante uso korekto di esakinan i tokante e konsekuensianan di medidanan di maneho.
Bo ta mantené kontaktonan tantu interno komo eksterno i bo ta tene konsulta ku diferente partido enbolbí. Den esaki bo ta duna informashon i konseho tokante tópikonan sosial ekonómiko i bo ta kontribuí na un bon sinkronisashon entre maneho i ehekushon. Tambe bo ta kolaborá ku proyektonan dentro di e tereno di maneho di Asuntunan Ekonómiko i no ta duna sosten ku ehekushon di esakinan. Akí bou nos ta menshoná algun otro tarea ku bo por verwagt:
- Suministrá informashon pa vigilansia di ‘budget’, pa presupuesto i pa e kalkulashon di mas aña;
- Sòru pa finalisashon atministrativo i finansiero;
- Informá management tokante e aserkamentu a base di proyekto i tokante progreso i bo ta duna konseho tokante posibel solushonnan pa puntonan problemátiko.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 10 i ta trata di minimalmente $ 3825 i maksimalmente $ 4625 pa luna. E salario regular pa e funshon akí ta kai den eskala 11 i ta sòru pa un salario di minimalmente $ 4390 i maksimalmente $ 5240 pa luna. Banda di esaki bo por konta ku:
- Sèn di vakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombrashon pa 1 aña. Den kaso di satisfakshon mutuo, tin un opshon pa un relashon di trabou vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa por ehersé e funshon akí na e nivel deseá, bo ta disponé di konosementu tokante e legislashon i regulashon ku ta regardá bo direktorado: Planifikashon i Desaroyo. Bo ta disponé tambe di abilidat den dunamentu di guia na proyekto i bo ta kumpli ku e eksigensianan ku nos ta menshoná akí bou.
- Un formashon HBO kompletá den direkshon di ekonomia;
- 4 aña di eksperensia den un funshon similar;
- Bo tin konosementu di nos gobernashon insular, di entidat públiko Boneiru i di e organisashon di direktorado di Planifikashon i Desaroyo;
- Dominio di papiamentu i hulandes, tantu verbal komo por eskrito;
- Bon abilidat digital.
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a logra i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 8 di mei 2026 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Industria Pariba 28, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku e konsehero di Rekurso Humano (HR) Joshua Carter via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
