Sekretario Insular Suplente
Entidat públiko Boneiru ke hasi kambio. Nos no por hasi esaki nos so. Nos ta buskando hende ku hopi pashon ku ke traha huntu ku nos pa yega na un ambiente di trabou ku ta resiliente pa futuro. Nos ta enfrentando desafionan nobo i nos tin mester di bo den esaki! Huntu nos por edifiká un organisashon mas mihó ainda. Di e manera akí nos por duna mihó servisio na nos habitantenan.
Kiko bo ta bai hasi?
Bo ta kla pa un oportunidat desafiante den management atministrativo? Nos ta buskando un profeshonal dediká i ambisioso pa kondusí nos organisashon atministrativo na alturanan nobo. Komo Sekretario Insular Suplente bo ta traha estrechamente huntu ku Sekretario Insular pa sirbi i guia nos suidadanonan. Den e ròl akí bo no ta solamente un man drechi, pero tambe un lider di futuro. Bo ta risibí kapasitashon pa finalmente remplasá Sekretario Insular durante su ousensia i pa duna direkshon na e organisashon atministrativo. Akí bou nos ta duna un bista general breve di e tareanan ku bo por verwagt komo Sekretario Insular Suplente:
- Sostené Sekretario Insular ku dunamentu di guia na e organisashon, kaminda bo ta vigilá kalidat di konseho atministrativo i bo ta evaluá esakinan na legislashon i regulashon;
- E konsehonan i dokumentunan di maneho ku bo formulá ta forma un parti esensial di nos toma di desishon stratégiko;
- Formulá relato i lista di desishon, aktivá e puntonan di akshon palabrá i vigilá nan progreso;
- Duna un aporte na suministro i interkambio di informashon atministrativo entre gobièrnu i e organisashon atministrativo. Asistí na momentu di duna direkshon na e organisashon atministrativo i ofisina di Sekretario Insular.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 14 i ta trata di minimalmente $ 5589,- i maksimalmente $ 6806,-. E salario regular pa e funshon akí ta kai den eskala 15 i ta sòru pa un salario di minimalmente $ 6228,- i maksimalmente $ 7731,- pa luna. Banda di esaki bo por konta ku:
- Sèn di vakansi di 8,33%;
- Un ‘13ᵉ maand’ kompleto;
- 23 dia di vakansi i 5 dia èkstra di vèrlòf stipulá adelantá;
- Un areglo ekselente di penshun;
- Un siman di trabou fultaim di 36 ora;
- Un nombrashon a base di proyekto di 1 aña, den kaso di satisfakshon mutuo tin opshon pa servisio permanente.
Bo salario definitivo ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Bo tin un konosementu profundo di kon e organisashon atministrativo ta funshoná, kon ta ehekutá prosesonan empresarial i kon e siklo di presupuesto di maneho ta funshoná. Ku bo bista skèrpi den relashonnan gubernamental i relashonnan funshonal dentro di e organisashon atministrativo, bo ta ábil pa efektivamente nabegá i traha brùg entre e diferente departamentonan i nivelnan. Banda di esaki bo ta kumpli ku e eksigensianan menshoná akí bou:
- Bo a finalisá un formashon sientífiko (WO), preferibelmente riba tereno di derecho, siensia atministrativo i siensia di organisashon;
- Bo tin eksperensia di trabou relevante den gobièrnu;
- Amplio eksperensia riba tereno di management den un funshon similar, preferibelmente den gobièrnu;
- Bo tin un bèkgrount finansiero sólido i bo ta fuerte den análisis i maneho di datonan finansiero;
- Mas aleu bo por bon kontra strès, bo ta sistemátiko, diskreto, ku enfoke riba kliente i bo ta un vishonario.
Ta verwagt di bo ku bo ta papia i skirbi hulandes i ku bo ta papia papiamentu òf ku bo ta dispuesto pa siña esaki. Pa motibu ku na Entidat Públiko Boneiru nos ta digitalisando nos prosesonan, ta importante ku bo ta disponé di abilidat digital.
Loke ta importante tambe pa sa
Den e prosedura di solisitut bo tin ku hasi un ‘assessment’. Pa por traha na Entidat Públiko Boneiru bo mester por presentá un Deklarashon Tokante Kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 6 di mei 2026 na solliciteren@bonairegov.com. Por dirigí esaki na Kolegio Ehekutivo, na atenshon di Departamento di Personal i Organisashon. Nos adrès ta Kaya Industria Pariba 28, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku Sekretario Insular òf ku recruitment via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
