Kolegio elektoral
Pa medio di kolegionan electoral hulandesnan karibense tin influensia indirekto riba konstelashon di Eerste Kamer. Nan ta skohe e miembronan di tres kolegio elektoral ku tin derecho di voto durante elekshon pa Eerste Kamer.
Na Hulanda Oropeo miembronan di ‘Provinciale Staten’ ta skohe Eerste Kamer. E islanan di Hulanda Karibense ta munisipionan spesial i no ta pertenesé na un provinsia. Ku binida di e kolegionan elektoral karibense, kontrali na ántes, awor akí nan por yuda determiná ken ta bai den Eerste Kamer.
Kantidat di miembro
E kantidat di asiento di e kolegionan elektoral ta meskos ku e kantidat di miembro di konseho insular. E kantidat di asiento ta diferensiá pa kada isla, meskos ku e kantidat di miembro di konseho insular. E kantidat semper ta un number impar.
Boneiru: 9 asiento
- Señor H.J.P.J.T. Wout (MPB)
- Señor C.D. Vrolijk (MPB)
- Señor C.C.A. Abraham (DEMOKRAT)
- Señora R.M. Hellburg-Makaai (DEMOKRAT)
- Señor D.M.D. Crestian (DEMOKRAT)
- Señora S.B. Chirino-Felida (UPB)
- Señor B.R. Dirksz (UPB)
- Señor J.R. Kos
- Señora D.E. Coffie (M21)
Tarea di Kolegio elektoral
E miembronan di kolegio elektoral tin komo úniko tarea pa dia 30 di mei 2023 vota públikamente pa elekshon di miembro di ‘Eerste Kamer der Staten Generaal’.
Kon mi ta bira miembro di kolegio elektoral?
Pa bira miembro di un kolegio elektoral nashonalidat hulandes ta un eksigensia. E persona mester ta residente di un entidat públiko, e mester tin minimalmente 18 aña i e no mester ta ekskluí di derecho di voto. Tantu partidonan polítiko komo kandidatonan individual por postulá nan mes komo kandidato pa elekshon di miembro di kolegio elektoral di Eerste Kamer.
Nombrashon
Ofisina elektoral sentral ta nombra e miembronan di kolegio elektoral. Despues ku a nombra e kandidatonan, e kolegionan elektoral ta evaluá si ta atmití nan komo miembro. E fase akí nos ta yama tambe investigashon di kredensial. Durante e investigashon di kredensial e kolegionan elektoral ta wak si e kandidatonan ta kumpli ku e eksigensianan di atmishon. Tambe nan ta evaluá si e kandidatonan ta ehersé aktividat sekundario ku no ta kuadra ku e miembresia.
