Dekreto di Gezaghèber di Boneiru (23 aprel 2021) Lesa mas tokante di e pandemia COVID-19

 

Programa di Gobernashon

Di nos tur, dor di nos tur, pa nos tur.

Esaki ta e título di e programa di gobernashon 2019-2023. E programa di gobernashon ta skibí huntu ku i pa henter e pueblo boneriano.
Pa yega na un programa di gobernashon konhuntamente ta un di e kondishon nan mas importante pa krea un plataforma sosial i un ehekushon eksitoso.
E meta di e programa ta pa krea un Boneiru stabil i duradero i un ambiente favorabel kaminda ku integridat, efektividat, efisiensia, resultado dirigí, transparensia i un bon kolaborashon lo ta e base.  

E programa di gobernashon ta bai for di forsa propio di Boneiru; nos propio identidat, nos propio kapasidatnan, nos propio ambishon, i e amor ku nos tur tin pa Boneiru. Nos ta konsiente di nos potensial konhunto i tambe nos ta na altura di e posibilidatnan pa desaroyo i kresementu ta ilimitá, esaki ta dor di nos mentalidat positivo, nos kultura úniko i nos norma i balornan. Nos ta orguyoso di nos historia i nos sosiedat multikultural i e intenshon ta pa duna e kalidat di bida un empuhe.

Huntu ku tur habitante di Boneiru, BC ta deseá pa traha riba un futuro di Boneiru duradero den un ambiente stabil i favorabel.