Den enseñansa tambe papiamentu tin un lugá importante. Na Boneiru, papiamentu i hulandes ta idiomanan di instrukshon den enseñansa básiko. E maneho di idioma ta konektá ku e realidat di idioma di muchanan i ta rekonosé importansia di un base di idioma fuerte pa siña otro idioma.
E meta no ta solamente ku muchanan por papia papiamentu, sino tambe ku nan ta lesa i skirbi e idioma bon. Den e akuerdo intergubernamental pa papiamentu a pone komo meta na Boneiru ku na 2030 tur mucha ku kaba skol por dominá papiamentu bon den ekspreshon oral, lesamentu i skirbimentu.
Pa mas informashon tokante idiomanan di instrukshon na skol: https://papiamentu.rijksdienstcn.com/ensenansa-kultura-siensia/informashon-pa-mayor-i-alumnonan/idioma-den-ensenansa
11 di mart 2021, Reino i Entidat Públiko Boneiru a firma Akuerdo Intergubernamental pa papiamentu na Boneiru. E akuerdo intergubernamental tin komo meta protehá i promové papiamentu i sigui ankra posishon di e idioma den legislashon i regulashon eksistente.
Pa mas informashon: https://papiamentu.rijksdienstcn.com/aktual/notisia/2021/mart/11/akuerdo-intergubernamental-pa-proteha-idioma-papiamentu-na-boneiru
Akuerdo Intergubernamental: https://www.eerstekamer.nl/overig/20210323/bestuursafspraak_voor_het/meta
