Entidat Públiko Boneiru ta supliká tur empresario pa entregá un petishon na tempu pa dispensashon di e orarionan regular di sera relashoná ku aktividatnan ku ta tuma lugá durante i rònt di Nochebuena i Kambio di Aña.
E fecha mas tardá pa entregá e petishonnan akí ta 16 di novèmber 2026.
Prosedura i kondishonnan
Mester manda e petishonnan via email na:
- postenarchief@bonairegov.com
- directie_ro@bonairegov.com
- paulina.vanarneman@bonairegov.com
- edsel.cecilia@bonairegov.com
Mester añadí un kopia di e pèrmit bálido di establesimentu huntu ku e petishon. Den kaso ku ta trata di un empresa di hóreka, mester manda tambe un kopia di e pèrmit bálido di bibida i hóreka.
Pa mantené un bon bista general di tur aktividat planiá relashoná ku òrden públiko i siguridat, ta di gran importansia pa entregá tur petishon pa mas tardá dia 16 di novèmber 2026. No ta tuma petishon ku nos risibí despues di e fecha akí den tratamentu.
Por buska e petishonnan ku a keda entregá na tempu i ku a haña aprobashon, pa mas tardá dia 18 di desèmber 2026 na ofisina di Pòst i Archivo na Kaya Grandi 51.
Sin e aprobashon rekerí bo ta den violashon i nos por tuma medida di mantenshon di lei.
Kontakto
Pa mas informashon bo por tuma kontakto ku e unidat di Asuntunan Ekonómiko di Direktorado i Planifikashon i Desaroyo via e number di telefòn 599 – 777 5302 i 599 – 777 5303.