Bo tin pregunta tokante pèrmit di konstrukshon, lantamentu di un empresa òf asuntu di tereno? Riba djaluna 23 di novèmber 2026 habitantenan i empresarionan ta haña oportunidat pa bai direktamente den kòmbersashon ku empleadonan di Entidat Públiko Boneiru. Direktorado i Planifikashon i Desaroyo ta organisá un seshon di informashon tokante Pèrmit i Asuntu di Tereno for di 10.00 or te 18.00 or na Jong Bonaire, kaminda informashon i kontakto personal ta sentral.
Durante e seshon di informashon, bishitantenan por akudí na diferente mesa di informashon tokante pèrmit di konstrukshon, pèrmit di naturalesa i medio ambiente, pèrmit di establesimentu, pèrmit di bibida i hóreka, derecho di prekario i otro asuntunan di tereno. Banda di esaki e programa ta konsistí di diferente presentashon, un diskushon di panel i hopi oportunidat pa hasi pregunta.
Ku e seshon di informashon akí Direktorado di Planifikashon i Desaroyo ke informá habitantenan i empresarionan na un manera aksesibel tokante e proseduranan, posibilidatnan i eksigensianan relashoná ku pèrmit i asuntu di tereno.
Bishitá nos i hasi bo preguntanan!
Bo tin plan di konstrukshon, bo ke kuminsá ku un empresa òf bo tin pregunta tokante asuntu di tereno? E ora ei pasa un ratu na Jong Bonaire dia 23 di novèmber i hasi uso di e oportunidat akí pa direktamente haña informashon i pa haña klaridat tokante bo preguntanan. Tur hende ta kordialmente bon biní!
Seshon di Informashon tokante Pèrmit i Asuntu di Tereno
•Fecha: Djaluna 23 di novèmber 2026
•Ora: 10.00 – 18.00 or
•Sitio: Jong Bonaire