Entidat Públiko Boneiru ta felisitá habitantenan di Sint Eustatius ku Statia Day – Dia di Sint Eustatius. E aña akí e selebrashon ta den signo di un logro históriko spesial: 250 aña despues di e First Salute dia 16 di novèmber 1776. Gezaghèber John Soliano ta presente na Sint Eustatius, huntu ku su esposa, pa representá Boneiru durante e konmemorashon spesial akí.
Dia 16 di novèmber 1776 Sint Eustatius for di Fort Oranje a kontestá saludo di e barku merikano Andrew Doria. E momentu históriko akí ta konosí komo First Salute (Promé Saludo) i nan ta konsider’é komo e promé rekonosementu di bandera merikano di parti di un nashon estranhero. Bou di e tema ‘The Statia Spirit Perseveres, Saluting 250 Years – E Espíritu di Statia ta Perseverá, Saludando 250 Aña’, e aña akí Sint Eustatius ta selebrá su historia i kultura riku, i resiliensia di su poblashon. E konmemorashon ofisial ta tuma lugá na Fort Oranja, den presensia di entre otro Rei Willem-Alexander.
Boneiru tambe ta selebrá
Ku presensia di gezaghèber Soliano i su esposa, Boneiru ta suprayá e konektividat entre e islanan di Hulanda Karibense. Entidat Públiko Boneiru ta ekspresá su apresio pa historia, kultura i orguyo di e komunidat di Statia.
Entidat Públiko Boneiru ta deseá tur habitante di Sint Eustatius un selebrashon bunita i signifikativo.
Happy Statia Day!
