18 di mei 2022 – Kambio di klima, sostenibilidat i konservashon di naturalesa ta temanan ku ta bini dilanti den e diferente artíkulonan den e edishon nobo di Bon Biní Bonaire. Den e prólogo, por ehèmpel, gezaghèber Edison Rijna ta papia tokante e nesesidat pa inventarisá kiko e konsekuensianan di kambio di klima por ta pa Boneiru. Pa logra esaki ta bini un Mesa di Klima, asina el a anunsiá.
Kiko e posibel konsekuensianan ta, ta un di e tópikonan den e artíkulo tokante un rapòrt ku resientemente KNMI a publiká, den kua entre otro nan ta trata e subida di nivel di laman. Na momentu di indiká sitionan pa konstrukshon di kas lo mester tene kuenta ku esaki. Diputado James Kroon ta mustra ku Playa kon ku bai bin ta yegando su límitenan. Si no kondusí kresementu mas aleu di poblashon i aktividatnan empresarial den un direkshon korekto, esaki ta bai afektá kalidat di bida pa habitantenan, empresarionan i bishitantenan. Tur esaki huntu ta obligá nos pa pensa tokante indikashon di sitionan pa kontrukshon di kas.
Otro tópikonan ku ta bini dilanti ta entre otro: e ambishon di e minister pa Klima i Energia Rob Jetten pa hasi di Hulanda Karibense un ‘showcase’ riba tereno di produkshon sostenibel di energia, binida na Boneiru di E-Flight Academy pa bula avion eléktriko, e lucha di e asosashon di konsumidó Unkobon pa un mínimo sosial, e plannan di gabinete hulandes pa fortifiká e siguridat di eksistensia i e transishon di Mangazina di Rei pa un parke di eksperensia kultural.
Bon Biní Bonaire ta un publikashon di gabinete di gezaghèber ku ta sali dos biaha pa aña i ku ta intenshoná pa tur hende ku ta interesá den Boneiru i su habitantenan.
