Text Size

  • Increase
  • Decrease
  • Normal

Current Size: 100%

A FÈRF ‘ZEBRAPAD’ RIBA KAYA KORONA

Kralendijk – Nan a fèrf e ‘zebrapad’-nan na SGB i Tung Fong Store riba Kaya Korona di nobo. Awor tur partisipante na tráfiko por mira e sitionan pa krusa kaya bon atrobe. Den e lei di tráfiko nobo peatonnan i personanan den un vehíkulo pa hende ku limitashon tin preferensia ora nan ke krusa kaya na un ‘zebrapad’. Tur hende riba baiskel, shofùr di outo i koredó di skuter, motosaikel òf ‘quad’ mester duna preferensia na peatonnan i personanan den un vehíkulo pa hende ku limitashon ora nan ta krusa kaya na un ‘zebrapad’.

TRAHA UN SITA PROMÉ KU 30 DI SÈPTÈMBER PA KAMBIA PLACHI DI NUMBER BIEUW

Kralendijk - Entidat Públiko Boneiru tin plachi di number nobo. Si bo no a kambia bo plachi di number ahinda, bo tin te 30 di sèptèmber pa mas tardá pa traha un sita na departamentu di finansa (J.A. Abraham Boulevard 27) i buska bo plachi nobo. Pa kambia e plachinan di number bieu bo mester traha un sita i entregá tur dokumentu rekerí. Pa traha un sita Bo tin ku tuma kontakto ku departamentu di finansa. Por yama via 7175330 ekstenshon 2637 of manda un mensahe via di Whatsapp na 770 5330.

ÒRDU DI EMERGENSIA NO TA NESESARIO; A LOGRA UN AKUERDO TOKANTE SUMINISTRASHON DI KOMBUSTIBEL

Kralendijk – Djasabra último bou di guia di Gezaghebber i ku sosten di ‘Taskforce’ Kombustibel a logra un akuerdo importante tokante disponibilidat di kombustibel pa e planta di koriente. E ‘fuel oil’ pisá ku aktualmente ta disponibel lo a kaba dia 2 di òktober. Ku e akuerdo ku a logra a prevení un situashon kaminda Gezaghebber lo mester a intervení pa medio di un òrdu di emergensia pa garantisá suministrashon di koriente. Un suministrashon di energia ku ta funshoná bon ta di gran importansia sosial i ekonómiko pa Boneiru.

Boneiru i ministerio di VWS ta firma akuerdo ‘Boneiru salú i vital’

Den Haag – Sekretario di Estado di Salubridat Públiko, Bienestar i Deporte (VWS) Paul Blokhuis i diputado Nina den Heyer di Boneiru a firma e akuerdo di koperashon ‘Boneiru salú i vital’ na Den Haag.

DEKLARASHON

Komo parti di e asina yama ‘Bestuursakkoord’ tin un análisis ta tumando lugá di e aparato di gobièrnu, su servisionan i su departamentunan. Banda di esaki, entidat públiko ta bai wak mas profundamente, kon por sigui reforsá e departamento di komunikashon. Na e momento aki, e departamentu di komunikashon no tin sufisiente kapasidat, ora ta papia di kantidat di hende, pa duna e sostén deseá na kolegio ehekutivo ora ta trata preparashon di komunikashon pa prensa i sierto otro medionan di komunikashon.

GOBIERNU DI BONEIRU A PRESENTÁ PROGRAMA DI GOBERNASHON NA PAPIAMENTU

Kralendijk - Siman pasá, Gobièrnu di Boneiru a presentá e programa di maneho pa e próksimo 4 aña na Papiamentu tambe. Segun diputado Elvis Tjin Asjoe, gobièrnu di MPB ku UPB ta haña importante pa e programa ta aksesibel pa tur hende ku ta preferá di lesa esaki na papiamentu, na lugá di ulandes.

“E forma kon nos a yega na e programa di gobernashon aki ta un forma diferente, pa motibu ku nos a duna tur siudadano oportunidat pa aportá ku idea i sugerensia, kiko nan ke mira den e gobernashon aki. Esei a resultá un éksito rotundo. Nos a risibí hopi reakshon.

 

BIBLIOTEKA KOMO KURASON SOSIAL DI KOMUNIDAT

Veendam – Biblioteka komo kurason sosial di komunidat, riba e konsepto ei diputado Nina den Heyer a risibí informashon djaluna 16 di sèptèmber durante su bishita na e biblioteka di Veendam. El a keda risibí pa Alian Spelde, kende komo manager di region ta responsabel pa trabou di biblioteka den diferente munisipio na Oost-Groningen i Zuid-Oost Groningen.

 

Diputado Nina den Heyer: 'STUDIANTENAN TA SUPER MOTIVÁ'

Den Haag – Djasabra último diputado Nina den Heyer, riba e di dos dia di su bishita di trabou na Hulanda Oropeo, tabata presente na e entrenamentu ku e ofisina TuranGoeloe ta duna na studiantenan di promé aña ku a bini for di Boneiru. E entrenamentu tokante trabou di un ‘buddy’ ta intenshoná pa prepará studiantenan nobo riba nan bida di studiante leu for di kas. ‘E entrenamentu aki ta hopi útil. E studiantenan no solamente ta haña tur sorto di konseho práktiko, pero e entrenamentu ta enfoká tambe riba nan abilidatnan, por ehèmpel kon pa establesé kontakto.

PREPARÁ STUDIANTENAN KU TA BAI HULANDA MAS MIHÓ AINDA

Den Haag – Diputado Nina den Heyer riba e promé dia di su bishita di trabou na Hulanda a hiba konsulta ku TuranGoeloe, e ofisina ku e aña aki pa di promé biaha (komo tarea di ministerio di Enseñansa, Kultura i Siensia) ta enkargá ku akohida i guia di studiantenan for di Hulanda Karibense.

KOLEGIO EHEKUTIVO: STINAPA TA DETERMINA SU PROPIO MANEHO

Kralendijk- Kolegio Ehekutivo no ta tuma un posishon pa loke ta trata terminashon di e relashon di trabou entre STINAPA i su direktor saliente, Arjen de Wolff. Segun diputado Elvis Tjin Asjoe di ku entre otro ekonomia i turismo den su portafolio, STINAPA ta outónomo ora ta traha asuntunan manera esaki.

Pages