Text Size

  • Increase
  • Decrease
  • Normal

Current Size: 100%

EMPRESA MEDIANO I CHIKITU HULANDA DISPUESTO PA HABRI PORTA PA BONEIRU

Kralendijk - MKB, federashon di Empresa Mediano i Chikitu na Hulanda Oropeo, ta dispuesto pa yuda Boneiru ku eksplorashon di posibilidat pa stimulá desaroyo ekonómiko di nos isla.

BONERIANONAN ULTRAMAR TA DUNA KONTRIBUSHON SORPRENDENTE PA PLAN MAESTRO

Den Haag, - Mas òf ménos 50 boneriano ku ta biba na Hulanda Oropeo djárason anochi a soportá e wer malu pa partisipá na un seshon den kuadro di Plan Maestro Boneiru 2030 na Den Haag.

GEZAGHEBBER EDISON RIJNA A ENTREGA YABI PA DIRIGÍ MARCHA DI KARNAVAL 2020

Kralendijk - Den un forma simbóliko gezaghebber sr. Edison Rijna a entregá e yabi ku ta duna inisio di marcha di karnaval 2020 na Prens i Pancho Johnrick Anthony i Erickson Koeks. Pa e parti hubenil ta Prens Sainick Boezem i su Pancho Patrick George.
Esaki a tuma lugá djabièrnè den oranan di atardi na ofisina prinsipal di Gobièrnu di Boneiru.
Miembronan di Klave, Reina di karnaval grandi i Hubenil, Infantil tambe tabata presente.
Gezaghebber Edison Rijna a deseá tur un felis karnaval 2020.

GEZAGHEBBER EDISON RIJNA OVERHANDIGT SLEUTEL KARNAVAL 2020

Kombenio Boneiru i I&W pa profeshonalisashon mas aleu di fasilidatnan di haf

Den Haag, 12 di febrüari 2020 – Entidat Públiko Boneiru i ministerio di Infrastruktura i Maneho di Awa (I&W) a pone un siguiente paso pa loke ta trata profeshonalisashon mas aleu di maneho di haf. Ku esaki realisashon di e ambishon di Kolegio Ehekutivo pa desaroyá un haf di karga nobo ta bini mas serka.

GEZAGHEBBER RIJNA NA KONFERENSIA DI ALKALDE

Den Haag - Gezaghebber Edison Rijna a partisipá na e asina yamá konferensia di alkalde na Hulanda. Riba invitashon di e Sosiedat Hulandes di Alkalde (di kua èks minister di Asuntunan Interno i Relashonnan den Reino Liesbeth Spies ta presidente) gezaghebber Rijna riba un di e dianan di konferensia a tuma e asina yamá diskurso di mesa na su enkargo. Gezaghebber Edison Rijna a konta su oudiensia tokante e posishon spesial ku Boneiru desde aña 2010 ta okupá den e sistema estatal hulandes komo entidat públiko.

KOPERASHON KU OFISINA SENTRAL DI ESTADÍSTIKA TA KONDUSÍ NA MIHÓ TOMA DI DESISHON

Den Haag – Ofisina Sentral di Estadístika di Hulanda ta bai asistí Entidat Públiko Boneiru pa kuminsá ku un fasilidat di data. E sistema lo suministrá Kolegio Ehekutivo ku informashon ku nan por usa ora di hasi eskohonan importante di maneho.

GEZAGHEBBER RIJNA DEN KOMBERSASHON KU AMBASADOR DI MERKA HOEKSTRA

Kralendijk – Gezaghebber Edison Rijna a hasi uso di su bishita di trabou na Hulanda Oropeo pa konsultá ku e ambasador di Merka Pete Hoekstra tokante e posibel konsekuensianan pa Boneiru di e sanshonnan ku Merka a dekretá kontra Venezuela. E sanshonnan tin impakto riba suministro di petroli pa terminal di Bopec ku e produktor di energia Contour Global mester pa generá elektrisidat den e periodonan ku oferta di energia di bientu i solo no ta sufisiente pa proveé den e pedida.

DELEGASHON DI KOLEGIO EHEKUTIVO A BISHITÁ PARTISIPANTENAN NA BOLSA DI EMIGRASHON

Houten – Riba djadumingu 9 di febrüari un delegashon di Kolegio Ehekutivo a hasi un bishita na e Bolsa di Emigrashon na Houten pegá ku Utrecht.

E interes di gezaghebber Edison Rijna i e diputadonan Nina den Heyer i Elvis Tjin Asjoe tabata partikularmente dediká na e partisipantenan boneriano ku huntu a forma Kaya Boneiru na e bolsa. Kurason di e kaya boneriano tabata e stènt di Ban Boneiru Bèk kaminda nan tabata trese un kantidat grandi di vakatura bou di atenshon di personanan potenshal ku ke regresá nan isla.

Promé seshon di enfoke den grupo pa e plan maestro 2030 ku e tema ‘Kultura, Norma- i Balornan’.

Kralendijk– Djasabra último Entidat Públiko di Boneiru a organisá e promé seshon di enfoke den grupo ku e tema ‘Kultura, Norma- i Balornan’ komo kontribushon pa e Plan Maestro 2030. E seshonnan di enfoke ta un profundisashon mas aleu di diferente tema importante di e komunidat boneriano. Meta di e seshon aki tabata pa akumulá kontribushonnan konkreto pa e Plan Maestro 2030 di parti di e ‘stakeholder’-nan di e sektor kultural. E seshon kultural aki a tuma lugá parti mainta na Mangazina di Rei kaminda 23 organisashon kultural a bishitá.

DIREKTIVA DI SV ESTRELLAS A ENTREGA RAPÒRT DI DESEONAN DI E KLUP NA DIPUTADONAN DEN HEYER I TJIN ASJOE

Kralendijk – Presidente di SV. Estrellas Nort’i Saliña, Ricardo Alberto i vise presidente Robert Sances den presensia di direktiva a hasi entrega di un rapòrt na e diputadonan Nina den Heyer i Elvis Tjin Asjoe.
Meta di e rapòrt ta pa ilustrá kon e direktiva ke mira e klup na momentu ku kaba restourá esaki. Ta e intenshon ku na momentu ku e klup ta kla ta bai pone aktividatnan deportivo tantu pa grandi komo chikitu pa asina e hóbennan tin kos pa hasi despues di skol òf den fin di siman.

Pages