Haag – Firmamentu di un akuerdo dor di diputado Elvis Tjin Asjoe i minister Cora van Nieuwenhuizen di Infrastruktura i Maneho di Awa a sòru pa un fin na e impase rònt di e Instalashon di Awa Shushi yega mas na bista. E ministerionan di Infrastruktura i Maneho di Awa i di Asuntunan Interior i Relashonnan den Reino i Entidat Públiko Boneiru konhuntamente ta kontribuí finansieramente pa realisá e último fase di e proyekto. Pa esei e partidonan kada un ta reservá maksimalmente 1 mion euro.

Kralendijk – Kolegio Ehekutivo ke kuminsá rápidamente ku ehekushon di e Plan Maestro Stratégiko pa Turismo. ‘Turismo ta un di nos pilánan ekonómiko di mas importante i por duna un aporte konsiderabel na prosperidat i bienestar di pueblo di Boneiru’, segun diputado Elvis Tjin Asjoe.

Kralendijk – Den e siman di 1 te ku 8 di yüni nos diputadonan ta bai Hulanda Oropeo pa un bishita di trabou. E planifikashon di e bishita ta sinkronisá ku e Kongreso Anual di VNG (Asosashon di Munisipionan Hulandes). Entidat Públiko Boneiru ta miembro di e Asosashon di Munisipionan Hulandes. E kongreso anual ku ta dura dos dia ta ofresé e diputadonan un bon oportunidat pa nan laga informá nan mes tokante desaroyonan riba tereno di gobernashon, pero tambe pa hasi kontakto i interkambiá konosementu i eksperensia ku otro gobernantenan lokal.

Riba 12 di yüni awor Rijksrecherche ta bai interogá mi. E kombersashon aki ta relashoná ku e investigashon yamá Caldera. Ta trata entre otro di un  investigashon ku tin di aber ku iregularidatnan na e servisio DROB ku otorgamentu di tereno i falsifikashon di dokumentu. Den e kaso akí ta trata di dos ámtenar di OLB, ku Ministerio Públiko a konsiderá komo sospechoso, despues OLB a terminá nan relashon di trabou. Un di e dos personanan akí a hasi denunsia kontra mi persona. E denunsia tin di aber ku un petishon pa un tereno den  erfpacht ku mi a hasi na 2013.