Text Size

  • Increase
  • Decrease
  • Normal

Current Size: 100%

Konferensia Kickoff Plan Maestro 2030 riba 6, 7 i 8 di novèmber. Pensa i papia huntu ku nos tokante futuro di Boneiru.

Kralendijk - Awe durante un konferensia di prensa kaminda Kolegio Ehekutivo kompleto tabata presente, a duna splikashon tokante kiko habitantenan di Boneiru por ferwagt di e Konferensia Kickoff  Plan Maestro 2030.

 

Kolegio Ehekutivo ta positivo tokante proposishonnan di Gabinete pa hasi koperashon ku Entidat Públiko Boneiru mas efektivo

Kralendijk – Den liñanan grandi Kolegio Ehekutivo por haña su mes den e manera ku Gabinete ke hasi koperashon ku e entidatnan públiko mas eksitoso. For di e karta ku sekretario di estado Knops di Asuntunan Interno i Relashonnan den Reino djabièrnè último a manda pa Tweede Kamer, Kolegio Ehekutivo ta komprendé ku gobièrnu hulandes ta dispuesto pa:

-den konsulta ku Entidat Públiko Boneiru stipulá un perspektiva final relashoná ku eliminashon di retraso riba nivel di fasilidat;

Diputado den Heyer a risibí kolekshon spesial di poesia

Kralendijk –“Tur aña durante luna di aprel ta tuma lugá kompetensia di Arte di Palabra entre e isla nan ABC. Relashoná ku e di 20 aniversario dje aktividat aki CARIB Publishing a publiká un kolekshon spesial di poesia, kuenta i haiku den e

Pòtpurí Arte di Palabra 2019. Riba e potrèt por mira momentu ku diputado di kultura sra.Nina Den Heyer ta risibí for di man di sr. Felix Thomas hefe interino di SKAL e Pòtpurí Arte di Palabra 2019.” 

Gedeputeerde Den Heyer ontvangt speciale gedichtenbundel 

BUKI NOBO PA MUCHA ENTREGA NA GEZAGHEBBER

Kralendijk – Djabièrnè último outor Denise de Jong-Rekwest a hasi entrega di su buki titulá Bin,bin sigui mi supmarin na Gezaghebber Edison Rijna. Durante di e entrega Denise a duna gezaghebber amplio splikashon di kontenido di e buki, mas aleu a informá gezaghebber ku tur mucha  di grupo 5 i 6 di tur skol lo risibí e buki ku nan por bai kas kuné. Banda di e buki Bin,bin sigui mi supmarin, Denise a entrega Gezaghebber komo  Request Publishing e buki titulá “ Turismo na Boneiru” kual ta un buki di inisiativa di Ofisina di Turismo.

ELISABETH NYMPHETTE JOSEPHIA A KUMPLI 20 AÑA KOMO ÁMTENAR

Kralendijk – Djabièrnè último den un ambiente festivo Elisabeth Nymphette Josephia kariñosamente yama Nunu a selebrá binti aña trahando pa gobièrnu di Boneiru.1 di òktober Aña 1999 Nunu a drenta servisio di Gobièrnu di Bonaire na disposishon di fundashon prensès Beatrix trabou pa hubentut na Jong Bonaire pa mitar dia i mitar na Indebon.Despues di un aña Nunu a kuminsá traha fulltime na Indebon dunando Gym na skolnan, Kolegio Kristu Bon Wardador pa 8 aña, Kolegio Reina Beatrix 2aña, Kolegio San Bernardo 4 aña i Kolegio Papa Cornes pa 2 aña.Nunu ta un di e proménan yama di In

Diputado Tjin Asjoe a bishitá minister presidente Rhuggenaath

Kralendijk/Willemstad – Diputado Tjin Asjoe a hasi un bishita di trabou kòrtiku na Kòrsou. El a
papia entre otro ku minister presidente Eugene Rhuggenaath i e Representante di Hulanda na
Willemstad, Erwin Arkenbout.
‘Entre Boneiru i Kòrsou, a base di nos historia kompartí i pa motibu ku nos islanan ta keda pegá
ku otro, pa hopi siglo kaba ta eksistí lasonan estrecho i kaluroso riba tereno ekonómiko, kultural
i familiar. Na promé minister Rhuggenaath mi a transmití e deseo di nos Kolegio Ehekutivo pa

DIPUTADO KROON TABATIN ENKUENTRO KU MINISTER PRESIDENTE MARK RUTTE

Kralendijk - Durante su bishita di trabou kòrtiku na Hulanda Diputado Kroon tabatin un enkuentro tambe ku Minister Presidente Mark Rutte.

Durante e enkuentro spontáneo aki nan a papia brevemente tokante algun tópiko, manera státus i progreso di e Akuerdo Intergubernamental i otro asuntunan aktual na Boneiru. Tur esaki a tuma lugá den un esfera amikal i relahá.

Diputado Kroon ta indiká ku den esaki el a keda impreshoná pa  embolbimentu di e Minister Presidente ku Boneiru i su abitantenan.

Esaki ta krea hopi konfiansa pa futuro na interes di nos poblashon.

KONSULTA GUBERNAMENTAL NA SINT MAARTEN

Kralendijk – Den siman 39 e diputadonan Kroon i Tjin Asjoe i gezaghebber Rijna riba invitashon di sekretario di estado di Asuntunan Interno i Relashonnan den Reino (BZK) Knops a partisipá na un konsulta gubernamental na Sint Maarten. E tópiko mas importante di kombersashon tabata e reakshon di gabinete riba e informashon di ‘Raad van State’ relashoná ku entre otro e ròl di kordinashon di BZK en relashon ku Hulanda Karibense i e Investigashon di Maneho Interdepartamental Hulanda Karibense.

Diputado Kroon ku palabra di elogio tokante organisashon di selebrashon di Dia di Boneiru na Hulanda

Rotterdam/Kralendijk – Riba djadumingu 29 di sèptèmber último bonerianonan na Hulanda Oropeo a gosa di un eksitoso selebrashon di Dia di Boneiru. No opstante e wer friu ku hopi bientu i áwaseru nan a haña kaminda pa Ahoy na Rotterdam pa gosa di un plasentero programa yen di kultura, músika, baile i kuminda i kos di bebe boneriano. ‘E organisashon tabata ekselente’, sigun diputado James Kroon kende a representá Kolegio Ehekutivo di Boneiru. ‘E organisashon meresé tur honor, pasobra ta un promoshon fantástiko pa nos isla. Ta importante ku ta tene nos kultura na haltu.

ADAPTASHON DI PREIS PA PRODUKTONAN DI KOMBUSTIBEL ENTRANTE 1 DI ÒKTOBER 2019

Kralendijk - En konekshon ku kambionan di preis di petroli riba merkado mundial Gobièrnu di Boneiru ta adaptá preisnan di produktonan di kombustibel. E siguiente kambionan di preis di kombustibel lo ta na vigor entrante 1 di òktober 2019. Gobièrnu di Boneiru ta partisipá ku e adaptashon di preis entrante 1 di òktober 2019  ta resultá den un subida pa kerosin so. Tur otro produktonan di kombustibel ta keda meskos kompará ku luna di sèptèmber.

E subida di preis pa kerosin ta 1.50 dòler sèn.

Pages

Kontakto
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik aki pa e datonan di e kontakto di tur e servisionan di Entidat Publiko Boneiru