Text Size

  • Increase
  • Decrease
  • Normal

Current Size: 100%

Diputado Thielman ku orario di konsulta pa komunidat - Gedeputeerde Thielman opent spreekuur voor de gemeenschap

Kralendijk – Diputado Hennyson Thielman a habri un orario di konsulta. E diputado di entre otro desaroyo ekonómiko ta duna espasio pa tur hende ku tin petishon pa gobièrnu, por aserka su persona. Esaki ta bon pa diputado tambe por keda mihó na altura di loke ta biba den komunidat. Tambe pa yuda esnan ku tin petishonnan pa gobièrnu.

Maneho di haf den ehekushon - Havenbeleid in uitvoering

Den bon koperashon entre Entidat Públiko Boneiru i ministerio di Infrastruktura i Maneho di Awa, bou di direkshon di un Grupo di Direkshon konhunto di kua gezaghèber ta presidente, ya kaba a pone pasonan grandi pa loke ta trata mehorashon di infrastruktura di haf.

Ekstenshon Waf Nello Craane atrobe un paso mas aserka - Verlenging Zuidpier Nello Craane weer een stap dichterbij

Despues ku na luna di novèmber aña pasá a pone e pilánan di fundeshi pa ekstenshon di Waf Nello Craane, a kuminsá ku e siguiente fase di e proyekto aki. Riba e pilánan di fundeshi a pone e konstrukshon parti abou kompletamente prefabriká di e ekstenshon di waf. E kompania Knol ku ta realisá e proyekto aki i ku na aña 2018 tambe a ehekutá renobashon di Waf Nello Craane, a traha tur e partinan di beton na Akkrum, Friesland.

No tin selebrashon sentral di Dia di Rincon 2021 - Geen centrale feestviering van ‘Dia di Rincon 2021’

Kralendijk – Pa motibu di e medidanan aktual relashoná ku e vírùs di Corona i e tempu insigur mará na esaki, Entidat Públiko Boneiru den konsulta ku e organisashon FuDeCu di Dia di Rincon a disidí ku e aña aki tampoko no ta laga e selebrashon sentral di Dia di Rincon tuma lugá na e manera di kustumber.
Durante luna di aprel e organisashon lo organisá diferente evento si, ku tur hende por sigui via ‘live streaming’. Esaki ta nifiká ku lo tin un tiki kambio pa loke ta trata e eventonan ku ta mará direktamente na Dia di Rincon.

rueda di prensa tokante sitio pa pasa angua

Nos ta kontentu ku e tim di RIVM siman pasá a haña ku departamento di Salubridat Públiko ta bon prepará pa kuminsá ku bakunashon. Despues di un yamada ku Tempo Team a hasi siman pasá, hendenan ku un bèkgrount médiko i no-médiko a mèldu nan mes siman pasá pa por hasi uso di nan ora di bakuná. Djabièrnè tabata e promé dia ku a skohe e hendenan akí. Nos por hasi uso di algun hende èkstra mas. Hendenan ku un bèkgrount médiko i no-médiko te ainda por mèldu nan mes na Tempo Team of na Jobcenter.

rueda di prensa tokante bakunashon

Siman pasá nos tabatin bishita di un delegashon di VWS i RIVM. Motibu di nan bishita ta pa hasi un lastu chekeo di nos preparashon pa loke ta trata e kampaña di bakunashon. Nan a tene kombersashon ku tur e aktornan relevante den e kampaña manera por ehèmpel direktor di hospital i Departamento di Salubridat Públiko I otronan. Tambe a bai mira ku e frizernan ta funshoná manera debe ser i a inspektá e lokalidatnan kaminda lo bai risibí hende pa pasa angua kontra e vírùs di corona, esta bakuná.

KNMI ta informá ku riba 26 di yanüari laman lo ta bruto - KNMI informeert dat op 26 januari de zee ruw kan zijn

KNMI ta informá ku riba 26 di yanüari laman lo ta bruto. Bientu lo supla riba 22 nudo for di óst. Ola por yega un altura di entre 3 pa 4 meter. Doñonan di boto chikitu ku tin planeá pa subi laman mester tuma medida pa ku esaki. Sigui e website di KNMI pa mas informashon: https://www.knmidc.org/weather/bonaire/?Warnings

KNMI informeert dat op 26 januari de zee ruw kan zijn

Trabounan na Kaya Jean B. Vitte i Carlos A. Nicolaas den fase final - Werkzaamheden Kaya Jean B. Vitte en Carlos A. Nicolaas in laatste fase

Kralendijk – Entidat Públiko Boneiru ta trahando duru pa drecha nos kareteranan, ku fondonan ku Hulanda a pone disponibel relashoná ku e akuerdo di gobernashon.

Djaluna den oranan di mainta e kompania enkargá ku asfaltamentu di nos kareteranan a inisiá ku asfaltamentu di e di dos fase di Kaya Carlos A. Nicolaas i parti di Kaya Jean B. Vitte. Trabounan di asfaltamentu lo tin un durashon di dos dia. Ta spera ku pa den medio di siman kaya Jean B. Vitte i Kaya Carlos Nicolaas lo bira aksesibel pa tur tráfiko.

KLM ta sigui bula pa Boneiru - KLM blijft naar Bonaire vliegen

Kralendijk – KLM ta sigui bula normalmente segun skema pa Boneiru, Aruba, Kòrsou i Sint Maarten. Esaki e mènedjer regional Cees Ursem a partisipá na Entidat Públiko Boneiru. Anteriormente e siman aki e kompania di aviashon a anunsiá ku nan ta stòp ku nan buelonan interkontinental. Segun e kompania den práktika tabata imposibel pa laga e personal di buelo kumpli ku e kondishon nobo di un tèst antigéniko pa biahe.

Pages