Text Size

  • Increase
  • Decrease
  • Normal

Current Size: 100%

TRABOUNAN DI LIMPIESA PIPANAN DI DESAGWE KAYA SOEUR BARTOLA RELASHONÁ KU TEMPORADA DI AWASERU BINIDERO

Kralendijk – Anualmente Entidat Públiko Boneiru ta hasi trabounan di mantenshon i limpiesa na tur pipa di desagwe i labadó. Esaki ta importante pa desagwe di awa di yobe na Boneiru. Spesialmente durante e temporada di orkan binidero pipanan di desagwe limpi ta hopi importante. Kaya Soeur Bartola ta un di e kayanan ku tin hopi molèster di awa durante e periodo di áwaseru. E ora ei semper e kaya aki ta bou di awa. Esaki ta kondusí na molèster den bisindario di Fundashon Mariadal.

KONSTRUKSHON DI DAM PA WANTA OLA DI LAMAN NA CAI

Kralendijk - Otro siman Entidat Públiko Boneiru ta kuminsá ku trabounan pa protehá e kaminda ku ta duna akseso na Lac Cai. Olanan di laman ta menasá di kibra e kaminda bai kuné. Konstrukshon di un dam pa wanta ola di laman mester prevení esaki.

 

ANOCHI KU LUNA YEN DEN STASHI NA KUNUKU DI CHECHI I FELICIA KOFFIE TEMA: Historia di nos kultura su naturalesa.

Kralendijk - SKAL ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu.

SKAL ta keda pone énfasis ku meta prinsipal di e evento pa stimulá otro pa skirbi, deklamá, konta storia, kanta òf presentá obranan kòrtiku na papiamentu.

PASA BUSKA BO KARCHI DI VOTA PA ELEKSHON DI PARLAMENTO OROPEO PROMÉ KU 22 DI MEI

Kralendijk – Siman pasá nan a entregá e karchinan di vota pa Elekshon di Parlamento Oropeo. Mas o ménos 2.29% di e karchinan di vota (292 karchi) no a ser entregá. Si Bo no a risibí Bo karchi di vota, Bo por pasa tuma esaki for di djaluna 13 te ku djárason 22 di mei na departamentu di Registro Sivil na Kaya Neerlandia 40. Si Bo no ta logra pa pasa tuma Bo karchi di vota na departamentu di Registro Sivil promé ku djárason 22 di mei, e ora ei ainda Bo por tuma Bo karchi di vota dia 23 di mei na urna elektoral sentral na Passangrahan.

DISPIDIMENTU I MAL USO DI AWA DI POS

 

Kralendijk - 6 di mei 2019. Durante e aña ku ta tras di lomba nan a renobá un gran parti di e 16 posnan di gobièrnu kompletamente. Nan a traha tanki di awa nobo di betòn pa almasenahe di awa i nan a remplasá e mulinanan di bientu den nan totalidat. Bon notisia pues, pero tin algun problema tambe ku tin di haber ku e posnan. Gobièrnu ta hasi un yamada riba pueblo pa duna un man pa solushoná esakinan.

 

GEMAR BERNABELA A TERMINÁ TRAYEKTO ‘ELEVÁ’.

Kralendijk – Resientemente Gemar Bernabela a risibí komo promé persona un sertifikado pa motibu ku el a terminá su trayekto di siña i traha (Elevá) na Mangazina di Rei. Entretantu Gemar a drenta servisio na Cocari. Departamentu di sosten sosial i labor di direktorado di Komunidat i Kuido ta duna sosten na tantu hendenan ku un limitashon ku ke traha, komo organisashonnan ku ke tuma hendenan ku un limitashon den servisio. Promé ku Germar a subi merkado laboral el a sigui un entrenamentu intensivo riba tereno di siña i traha na Mangazina di Rei.

KOLEGIO EHEKUTIVO TA PROLONGÁ PERIODO PA PARTISIPÁ DEN FORMULASHON DI PROGRAMA DI GOBERNASHON

Kralendijk - Na promé instante Kolegio Ehekutivo a stipulá 2 di mei 2019 komo e último fecha ku ainda organisashonnan por a entregá nan lista di puntonan di importansia pa e programa di gobernashon pa e  próksimo kuater aña. Te ku awor tin hopi reakshonnan positivo a drenta i nos ta sumamente agradesido pa e reakshonnan ku a risibí.
 

PREIS PA PRODUKTONAN DI KOMBUSTIBEL ENTRANTE 1 DI MEI 2019

Kralendijk - Gobièrnu di Boneiru ta informá ku no lo tin adaptashon di preisnan di produktonan di kombustibel pa luna di mei 2019.
 
Aki ta sigui un lista di tur e preisnan di e produktonan di kombustibel manera stipulá dor di Gobièrnu di Boneiru dia 1 di aprel 2019 i ku ta keda na vigor te 1 di yüni 2019 pa loke ta trata e preis por mayor i di benta na pòmp.
 
Preis por mayor                   
Mogas 95                                            103.09                         USDct pa liter.

EKSITOSO ENKUENTRO DI E DEPARTAMENTU DI ASUNTUNAN PÚBLIKO DI HULANDA KARIBENSE, ARUBA, SINT MAARTEN I KÒRSOU

Kralendijk  - Resientemente e departamentunan di Asuntunan Públiko di Hulanda, Aruba, St. Maarten i Kòrsou tabatin nan enkuentro ku ta tuma lugá 2 biaha pa aña. E enkuentro bou di e nòmber PIVA tabata eksitoso i di gran balor. 
 

Pages