Text Size

  • Increase
  • Decrease
  • Normal

Current Size: 100%

Diputado Nina den Heyer ta tuma nota di preparashonnan pa bakunashon kontra corona - Gedeputeerde Nina den Heyer neemt kijkje bij voorbereidingen inenting tegen corona

Kralendijk - Diputado Nina den Heyer a hasi un bishita di trabou na Fundashon Mariadal pa haña un bista di e preparashonnan pa pasamentu di angua kontra corona. Durante e bishita ku a tuma lugá siman pasá, Den Heyer a hiba kombersashon ku direktor Giovanni Frans i mènedjer médiko Gerrit Jacobs. E diputado tabata presente tambe na un entrenamentu pa botikario i asistente di botikario. E profeshonalnan akí mester prepará e bakunanan ora ta ènter hende. Entrante djaluna 22 di febrüari ta ènter personal di kuido komo esnan di promé na Fundashon Mariadal.

Promé ‘konsulta den bario’ di diputado Thielman ta na Rincon - Eerste wijkspreekuur gedeputeerde Thielman is donderdag in Rincon

Kralendijk – Mirando ku a drenta hopi pedido di siudadanonan ku kier papia ku diputado Hennyson Thielman, e ta bai tene konsulta den bario. E promé konsulta lo ta den bario di Rincon djaweps awor.
Durante di e orario di konsulta diputado Thielman lo bishitá Rincon pa skucha e preokupashonnan ku tin den komunidat relashoná ku su kartera, ku ta entre otro ekonomia. E orario di konsulta na Rincon lo ta riba djaweps 18 di febrüari próksimo di 1’or di mèrdia pa 7’or di anochi.

Timnan médiko i no médiko kla pa kuminsá bakuná kontra corona - Medische en niet medische teams in de startblokken voor inenting tegen corona

Kralendijk - Timnan di personal médiko i no médiko ta kla pará pa for di 22 di febrüari kuminsá bakuná mas o ménos 600 profeshonal den kuido. Siman pasá miembronan di e timnan a terminá un entrenamentu ku éksito ku Fundashon Mariadal i departamento di Salubridat Públiko a organisá. For di djaluna promé di mart 2021 ta bai usa e timnan pa bakuná hendenan riba 60 aña.

1000 steps i trapi un dia será pa públiko - 1000 steps en verder gelegen trap één dag gesloten voor publiek - 1000 steps and nearby stairs closed to the public for one day

E bich konosí komo 1000 steps i e trapi un tiki mas despues no ta aksesibel pa públiko general riba 16 di febrüari 2021 en konekshon ku trabou andando. E trabounan ta tuma lugá di 6’or di mainta pa 7‘or di anochi. For di djárason 17 di febrüari 2021 públiko ta bon biní einan atrobe.

1000 steps en verder gelegen trap één dag gesloten voor publiek

Traspaso di greenhouse na skolnan di enseñansa avansá - Overdracht van greenhouses scholen bij het voortgezet onderwijs

Kralendijk - Departamentu di Salubridat Públiko a kuminsá ku traspaso ofisial di greenhouse na skol, kuminsando ku e diferente sekshonnan di Komunidat di Skol Boneriano (SGB).

E programa di greenhouse pa skol ta un parti di e programa di bèrdura i fruta di Salubridat Públiko den kuadro di e aserkamentu di Skol Salú/Hóben Sa Bo Peso Adekuá (JOGG).

Ban Traha ta yuda sinku persona haña trabou - Vijf personen aan het werk door Ban Traha

Kralendijk – Sinku hende a haña trabou na Bonaire Mobile Carwash & All Around Cleaner dor di e proyekto Ban Traha di Entidat Públiko Boneiru (EPB). Ban Traha ta un trayekto di Plenchi di Trabou ku ta yuda hendenan ku no por haña trabou fásil. Desde promé di yanüari 2021 Plenchi di Trabou ta traha huntu ku Bonaire Mobile Carwash & All Around Cleaner. E akuerdo pa garantisá e sinku kuponan di trabou na Bonaire Mobile Carwash & All Around Cleaner ta pa un aña. Diferente persona por kuminsá traha durante e aña i haña eksperensia.

Allyson Pourier Beukenboom ku penshun despues di trintitres aña di servisio

Kralendijk – Diputado James Kroon a honrá Allyson Pourier Beukenboom pa e trintitres aña ku el a traha komo ámtenar pa Boneiru. Na su kantor diputado Kroon a entregá un makutu di fruta komo muestra di apresio pa e trabounan pa komunidat di Boneiru.
Tabata na promé di yüni 1987 Allyson Pourier Beukenboom a drenta servisio di Gobièrnu di Boneiru. Ally a drenta komo trahadó sosial na e servisio S.E.F. Sekshon Enseñansa Formashon, e tabata enkargá ku skolnan katóliko i skolnan públiko ku ta kolegio Reina Beatrix i skol Watapana.

Importante pa sigui tèst - Belangrijk om te blijven testen

Kralendijk – Último tempu e kantidat di kaso di COVID-19 a baha hopi, pero ta keda hopi importante ku ora tin keho hendenan ta laga tèst nan mes. Asina dòkter Marian Luinstra-Passchier di departamento di Salubridat Públiko a deklará. ,,Nos ta kontentu ku e kantidatnan ta baha. Pero nos ta preokupá tambe. Nos sa ku tin hende no ta laga tèst nan mes miéntras nan tin keho.”

Investigashon relashoná ku posibel haf di karga nobo na Boneiru - Onderzoek gestart naar mogelijke nieuwe vrachthaven Bonaire

Boneiru mester di un haf di karga nobo? E pregunta aki Kolegio Ehekutivo i ministerio ta hasi for di 2016 i awor nan ke bai investigá esaki mas aleu.

Ta adaptá medidanan di corona - Coronamaatregelen worden aangepast

Kralendijk – Awor ku e kantidat di kasonan di COVID-19 ta sigui baha, por adaptá medidanan. Asina gezaghèber Edison Rijna a anunsiá. E medidanan nobo ta konta di djabièrnè 5 di febrüari 2021 te ku djaweps 18 di febrüari 2021. Establesimentunan di horeca por sera entrante djabièrnè awor 12 or di anochi. Kasino por keda habrí te 2 or di mardugá, nan parti di horeca ta sera 12 or di anochi. E reglanan di un máksimo di 50% di kapasidat i lugá fiho di sinta ta keda na vigor.

Pages