Text Size

  • Increase
  • Decrease
  • Normal

Current Size: 100%

GEZAGHEBBER DR. EMERENCIA TA KUMINSA KU SPREEKUUR NA RINCON

Gezaghebber di Boneiru sra. dr. Lydia Emerencia ta partisipá ku entrante djaweps 1 di novèmber 2012 lo inisiá ku spreekuur na Rincon. Esaki lo sigi tur promé djaweps di luna, for di 09.30 te 11.00or.
E spreekuur ta tuma lugá na hulpbestuurskantoor Rincon.
 
Gezaghebber                                                                ,
dr. L.A. Emerencia

GOBIERNU KU PLAN DI MANEHO PA MERKADO LABORAL DI BONEIRU

Kralendijk 29.10.2012 - Djabièrnè último, direktorado komunidat i kuido di Entidat Públiko Boneiru  a organisá un mainta di seshon di trabou kaminda a invitá diferente partner pa traha riba e plan di maneho di merkado laboral pa Boneiru.
Esaki tabata organisá den kuadro di e proyekto 'Guia pa Merkado Laboral' ku ya tin kasi dos aña den ehekushon di diferente trayekto ku ta kontribuí na e meta prinsipal di guia personanan pa i riba e merkado laboral. 

DIPUTADO SERFILIA NA AKTIVIDATNAN DI FESTIVAL DI MANGO

Kralendijk 21.10.2012 - Fin  di siman tras di lomba, diputado enkargá ku enseñansa sra. Silvana Serfilia a bishita tur e skol i nan aktividat di e festival di Giro Bank /Oiky, kaminda tur skol básiko a partisipá den e festival di Mango pa asina mira ku nan por gana e kompetensia pa nan skol, kaminda nan mester a traha diferente produkto di mango.
 
Tabatin diferente produkto traha di mango entre otro, djèm, eiskrim, repa, djus, bolo i asta tabatin skol ku a traha un plato di mango stobá. 
 

BONEIRU NA KAMINDA PA HAÑA SU PROPIO “IJKMEESTER(S)”

Kralendijk - Resientemente un grupo di kuater (4) trahado di e direktorado “Toezicht en Handhaving” a partisipa na un training na Hulanda pa bira ijkmeester. E treining aki a tuma luga di 2 pa 12 di oktober 2012  i  a wordu finansiá dor di e minsterio EL&I di Hulanda.

DJÈM DI HÒFITO DI SHON BEA A KEDA ENTREGA NA GEZAGHÈBER EMERENCIA

Kralendijk 19.10.2012 - Resientemente algun alumno di Kolegio Reina Beatrix, kompañá pa nan yefrou Shirley Bernard a hasi gezaghèber sra. dr. Lydia Emerencia un bishita i na e okashon aki a probechá pa regalá gezaghèber sra. dr. Lydia  Emerencia un bòter di djèm trahá di mango ku nan mes a produsí den Hòfito di Shon Bea.
 
E alumnonan a hiba un kombersashon ku gezaghèber i a kont’é di nan proyekto ku nan a yama (Hòfito di Shon Bea) kual ta nòmber di nan skol referiendo na Beatrix ku a bira Bea.   
 

Partisipantenan pa Miss Teen Models i Mister Bonaire a keda instalá ofisialmente pa gezaghèber sra. Emerencia

Kralendijk 18.10.2012 - Resientemente e organisashon di A. D. Produkshon  a hasi un bishita di kortesia pa sera konosí ku gezaghèber di Boneiru sra. dr. Lydia Emerencia, esaki den kuadro di e sertámen di Miss Teen Bonaire i Mister Bonaire 2012 ku ta bai tuma lugá dia  10 di Novèmber na Sporthal na Kaya Amsterdam.

APARTE DI INOUGURÁ VUELONAN KU BOEING 737 PA BONEIRU TIARA AIR A HABRI UN OFISINA DI RESERVASHON NA AEROPUERTO

 
Kralendijk 16.10.2010 - Djaluna 15 di òktober den oranan di anochi Tiara Air a hasi apertura di su ofisina nobo pa loke ta trata reservashon na aeropuerto Flamingo i alabes a inougurá vuelo di  su Boeing 737 nobo.
 

DIPUTADO KROON “BONAIRE TA TRAHA RIBA UN FUTURO BÈRDÈ”

Gobièrnu ta pidi pa bini ku idea pa Programa di medioambiente Bonaire
Kralendijk 18.10.2012 - Riba djarason 3 di òktober 2012 Entidat Bonaire a presentá e liñanan grandi di e Programa di medio ambiente Bonaire. Tur ku ta deseá por, te ku fin di òktober, bini ku proposishonnan pa e Programa di medio ambiente.
 

DIPUTADO SERFILIA, DIA INTERNASHONAL DI ALIMENTASHON

Kralendijk 15.10.2012 - Dia Internashonal di alimentashon ta wòrdu selebrá anualmente riba 16 di òktober 2012. Riba e dia aki alimento ta sentral i ta pidi atenshon na e siguridat pa loke ta trata alimentashon.
E organisashon di Alimento i Agrikultura di Nashonnan Uní ta organisá aktividatnan i konferenshanan enkuanto e dia internashonal di alimentashon, kaminda 150 pais ta partisipá.

GEZAGHÈBER SILBERIE NA ENTREGA DI TEACHER’S AWARD A PIDI MAESTRONAN HOPI PERSEVERANSIA

Kralendijk 07.10.2012 - Djabièrnè anochi na Komunidat di Skol Boneriano tabatin entrega di “Teacher’s Award” i gezaghèber interino sr. Peter Silberie tabata presente den representashon di gobièrnu di Boneiru. Señor Peter Silberie den su diskurso a kuminsá  na yama pabien na tur dosente ku ta laborá den enseñansa / edukashon riba e dia kaminda dosentenan ta reflehá riba e dia dediká na nan, esta dia mundial di maestro i e aña aki e tema ta, “Apoyá awor bo dosente”.
 
 

Pages