Text Size

  • Increase
  • Decrease
  • Normal

Current Size: 100%

HUBERT MARTIS 30 AÑA DEN SERVISIO DI GOBIÈRNU

Kralendijk 04.11.2012 - Resientemente señor Hubert “Iby” Martis a kumpli 30 aña di servisio den gobièrnu di Boneiru.
 
Na e okashon aki diputado Burney El Hage tabata presente i felisitá sr. Martis ku su 30 aña di servisio den gobièrnu di Boneiru na e departamentu di finansiá kaminda ku e la laborá mayoria di e aña nan komo empleado públiko. 
 

FARO SERU BENTANAENTREGA NA DIPUTADO JAMES KROON

Kralendijk 01.11.2012 - Den e kuadro di rehabilitashon di e faro (vuurtoren) nan rònt di e isla Boneiru i tabata asina leu ku siman pasá djabièrnè 26 di òktober ku a hasi entrega di yabi di e faro alrededor di Seru Bentana den Parke Washington na diputado sr. Pablo James Kroon ku ta enkargá ku infrastruktura.
 

DIPUTADO SERVANA SERFILIA TA SPLIKA EKSPANSHON DI SKOL AMPLIO “BREDE SCHOOL”

25.10.2012 - Un delegashon di kolegio ehekutivo di Bonaire a partisipá na e siman di Hulandes Karibense ku a tuma lugá algun siman ariba na Hulanda. Diputado Servana Serfilia ku ta enkargá ku entre otro enseñansa, huntu ku direktora di Komunidat i Kuido  a hasi lo máksimo pa yega na e konvenio nobo entre Entidat Públiko Bonaire i minister di enseñansa,kultura i siensia. (Plan di alokashon Bonaire 2012-2017). Riba e fecha 10 di òktober 2012 diputadonan Burney El Hage, James Kroon i minister di enseñansa Marja van Bijsterveldt-Vliegenthart a firma e konvenio. (portret)

PRENSA TA KOMBERSA KU GEZAGHEBBER

21.10.2012
Den su enkuentro ku prensa, gezaghebber Emerencia a informá komunidat tokante diferente punto.

DALILAH THOMAS A SELEBRÁ 25 AÑA DEN GOBIÈRNU DI BONEIRU

Kralendijk 23.10.2012 - Djabièrnè dia 15 di òktober 2012 señora Dalilah Jovanda Thomas a selebrá 25 aniversario den servisio di Gobièrnu di Boneiru.
E selebrashon festivo di e hubilario a tuma lugá den presensia di diputado James Kroon ku a remplasá diputado Serfilia Serfilia e titular di e respektivo direktorado,huntu ku famia i koleganan di direktorado pa Komunidat i Kuido na Kaya Neerlandia 4.
Señora Thomas a inisiá su karera na gobièrnu di Boneiru 15 di òktober 1987 na S.S.V.

DIPUTADO SERFILIA A REUNÍ KU GRUPO DI MANEHO DI KOMUNIDAT I KUIDO PA GRADISÍ PA E BON LABOR PRESTÁ

Kralendijk 23.10.2012 - Den kuadro di e bishita di trabou na Hulanda di diputado Silvana Serfilia a reuní ku tur su sekshon di trabou bou di departamentu di Komunidat i Kuido den evaluashon di trabounan ehersé pa preparashon di akumulashon di datonan importante ku a yuda fiha maneho di Entidat Públiko Boneiru pa diputado Serfilia ku a resultá un éksito den resultado positivo den e siman di Caribe Hulandes resientemente ku a tuma lugá na Hulanda.

LUPE MARTIS BINTISINKU AÑA DEN SERVISIO

Kralendijk 01.10.2012 - Resientemente señora Lucrecia “Lupe” Martis Dortalina a kumpli 25 aña den servisio di gobièrnu di Boneiru.
Na e okashon aki diputado Burney El Hage tabata presente i felisitá sra. Martis ku su 25 aña di servisio den gobièrnu di Boneiru.
 
Tabatin hopi elogio pa sra. Martis di parti di hefe di Facilitaire Zaken sr. Fernando Hughes ku a bisa, ku sra. Martis ta un ehèmpel pa empleadonan públiko i ta un persona determiná den su trabou.
 

MUCHANAN DI RIEINA BEATRIX TA INVITA DIPUTADO SERFILIA

Kralendijk 25.10.2012 - Resientemente os representante di Kolegio Reina Beatrix pa medio di yefrou Urbaline Koeks i un alumno ku ta parti di e proyekto di e festival di mango, a akudí serka diputado di enseñansa señora Silvana Serfilia pa hasi un invitashon spesial na dje pa presensiá nan aktividat esta e festival di Mango di Giro Bank na nan skol.
 
 
Yefrou Urbaline Koeks a informá e diputado di e proyekto di djèm trahá di Mango ku e skol mes a traha pa asina nan por kompetí ku e otro skolnan básiko pa wak si nan por gana e konkurso pa nan skol.
 

INVERSHONITSANAN TIN INTERES ATROBE DEN BONEIRU

Posibilidatnan faborabel pa empresanan hulandes invertí den Bonaire

Siman pasá a Sali notisianan positivo tokante resultadonan ku e kolegio ehekutivo a optené na Hulanda durante e siman hulandes karibense. Awor ta bini mas notisia positivo. Despues ku Bonaire a optené e status di Entidat públiko Bonaire tin indikashon ku a bini mas trankilidat i stabilidat. Afortunadamente invershonistanan grandi tambe a ripará esaki. E Kolegio Ehekutivo ta sumamente kontentu ku e desaroyo positivo kaminda tin interes pa e klima di invershon na Bonaire .

GEZAGHEBBER DR. EMERENCIA TA KUMINSA KU SPREEKUUR NA RINCON

Gezaghebber di Boneiru sra. dr. Lydia Emerencia ta partisipá ku entrante djaweps 1 di novèmber 2012 lo inisiá ku spreekuur na Rincon. Esaki lo sigi tur promé djaweps di luna, for di 09.30 te 11.00or.
E spreekuur ta tuma lugá na hulpbestuurskantoor Rincon.
 
Gezaghebber                                                                ,
dr. L.A. Emerencia

Pages