Text Size

  • Increase
  • Decrease
  • Normal

Current Size: 100%

GRUPO DI TRABOU AKTIVIDAT INOUGURASHON KAMBIO DI TRONO A DUNA INFORMASHON

 
Kralendijk 08-04-2013 - Djaluna 08 di aprel 2013 presidente di e grupo di trabou di Boneiru ku ta trata inougurashon di Reinado, Gezaghèber sra. dr. Lydia Emerencia, a duna informashon tokante di e preparashon di e  aktividatnan rondó di e inougurashon di Reinado den kuadro di e próksimo kambio di trono. 
 
E komishon presidí pa gezaghèber Emerencia ta bai organisá diferente aktividat na Boneiru i simultaniamente ta keda organisá den hinter Reino.
 

DIPUTADO KROON A FELISITÁ IRIS SEMELEER KU 35 EDISHON DI KÒNTÈST DI FLI NA BONEIRU

 
Kralendijk—Djadumingu último tabatin e di 35 edishon di Kòntèst di subimentu di  Fli organisá pa sra. Iris Semeleer na Boneiru.
 

DIPUTADO KROON I EL HAGE A PRESENSIÁ KLÍNIKA DI FUTBÒL DI KAYA

 
Kralendijk 08-04-2013 - Resientemente diputadonan James Kroon i Burney El Hage a presensia e klínika ku e hungadónan profeshonal di e ekipo Streetkings (futbòl di kaya) riba tereno di “Bonairu Sport Federatie” (BSF) kamindanan nan a haña informashon serka e  organisadó di futbòl di kaya i e hungadó profeshonal ku a bishita Boneiru resientemente.
 

DISKURSO NA OKASHON DI DESPEDIDA DI SR. MIGUEL POURIER

 
Dr. Lydia Emerencia, Gezaghebber di Boneiru
 
Kralendijk - 05-04-2013 - Un delegashon di Gobièrnu di Boneiru a atendé e entiero di sr. Miguel Pourier, dia 2 di aprel na Kòrsou. Na e okashon aki, Gezaghebber di Boneiru a duna e siguiente diskurso:
 

ENTRANTE 15 DI ARPIL 2013 TA KUMINSA KONTROLA PAGO DI NUMBER DI OUTO

 
Kralendijk 03-04-2013 - Entrante 15 di aprel 2013 outoridatnan kompetente lo kuminsá kontrolá riba pago di impuesto pa vehíkulonan di motor.
 
Esei ta nifiká ku personanan ku no a hasi pago di impuesto pa vehíkulonan di motor pa aña 2013 ta wòrdu súplika pa pasa mas pronto posibel na kantor di belasting den Centrum Gebied Kralendijk durante di oranan di ofisina.
 

OMBUDSMAN A DUNA SPLIKASHON NA SEKRETARIO DI GOBIÈRNU DI BONEIRU

 
Kralendijk—Djaweps Ombusman a duna informashon na direktornan pa asina duna informashon kon pa nan traha ku otro.
 
Djaweps dia 28 di mart funshonario nan di Ombudsman tabata na Boneiru i a sera konosí ku diferente órganonan di entidat públiko.
 
E funkshonarionan sra. Marjolein Bannier i sr. Hans Oosterveera hiba vários kombersashon pa duna splikashon kon Ombudsman tin intenshon di atendé ku kehonan ku drenta serka dje enkuanto di Entidat públiko Boneiru.
 

MIJMAATSCHAPPIJ A EKSPLORÁ POSIBILIDAT PA SAKA MATERIAL DI KALIDAT PA KONSTRUKSHON

 
Kralendijk 02-04-2013 - Djaweps dos empleado di Mij Maatschappij tabata na Boneiru pa  duna informashon di posibilidatnan ku tin pa Boneiru por haña material pa den e sektor di konstrukshon pa asina aliviá e skarsedat di material pa konstrukshon na Boneiru.  
 
 
Komo ku Mijmaatschappij tin ekspertisio den bulamentu di piedra gobièrnu di Boneiru a papia ku e kompania  den kombinashon ku Direktorado di Planifikashon  i Desaroyo di Boneiru.
 
 T’asina ku Mijmaatschappij tin eksperensia amplio den bulamentu di piedra pa haña material pa konstrukshon.

GIANNI MARIE VAN DEN HEUVEL KORDINADO DI PROYEKTO DI SAMENWERKENDE FONDSEN

 
Kralendijk 02-04-2013 - Resientemente tabatin un reunion ku a tuma lugá den kuadro di sera konosí ku gezag i informá gezaghèber ku sra. (Gianni Marie van den Heuvel) ta nombrá komo proyekt Coordinator di Samenwerkende Fondsen.
Lo kual kier men ku komunikativo i proyektonan pa Samenwerkende Fondsen lo pasa via e project coordinator.
E puntonan esensial ta ku Samenwerkende Fondsen ta revisando nan plan di maneho ku tin ku kuminsá na aña 2014.

DIPUTADO SERFILIA NA ENTREGA SERTIFIKADO KALEIDO SCOOP PA LIDERNAN DI KRÈSH DI BONEIRU

 
Kralendijk 02-04-2013 Djamars 28 di mart 2013 Sentro pa Hubentut i Famia tabatin entrega di sertifikado di Kaleido Scoop na Habitat pa e lidernan di  krèshnan na Boneiru.  
Na e okashon aki diputado Silvana Janga Serfilia a hiba palabra i a bisa ku pa gobièrnu ta un satisfakshon inmenso komo ku nos ta kere ku nos kuminsá pa krea un pueblo sano i eduká ku hopi forsa i perseveransia nos tin kuminsá na nos muchanan di sero pa kuater aña.

DJADUMINGU AWO INOUGURASHON DI YERBA ARTIFISHAL DEN STADION NA RINCON

 
Klínika di futbòl pa ekiponan di U-11 NA Nort Saliña
 
 
Kralendijk  27-03-2013 Djadumingu dia 31 di mart diputado enkargá di deporte, sr. James Kroon, ofishalmente lo inougurá e tereno ku yerba artifisial den Stadion Antonio Trenidad na Rincon. Esaki lo sosodé den un forma úniko ku su seremonia i diskursonan manera ta e kustumber.
Promé ku e parti ofishal lo tin un partido amistoso entre ekiponan di U-13 di O.F.I.R. i N.S.K., miéntras ku despues di e parti ofishal lo tin un wega di eksibishon entre Real Rincon i Vespo.

Pages