Text Size

  • Increase
  • Decrease
  • Normal

Current Size: 100%

Dia internashonal di idioma materno - Internationale dag van de moedertaal

Kralendijk - Dia 21 di febrüari próksimo ta Dia Internashonal di Idioma Materno. Papiamentu ta un idioma usá den tur gremio di nos komunidat i ta papiá pa un mayoria grandi na Boneiru, sea nasé aki òf nò.
Papiamentu a sa di surpasá tur lucha i kolonialismo. Gobièrnu ta hasi uso di Papiamentu e idioma ofisial den korespondensia ku su pueblo.Ta komuniká na Papiamentu den gobièrnu pero tambe prensa i den korte ta hasi uso di nos dushi idioma Papiamentu.
Nos mester ta hopi orguyoso di nos idioma materno i keda stimulá bon uso di Papiamentu.

Spich di dr. Marian Luinstra-Passchier riba 18 di febrüari 2021 - Toespraak van dr. Marian Luinstra-Passchier op 18 februari 2021

Kralendijk - Bon tardi tur hende,

Mi ta hopi preokupá ku e último sifranan di COVID-19 na Boneiru. Algun dia pasá, nos tabatin tres kaso di infekshon ku e vírùs di corona. Pero esei a subi awor yega 18 hende infektá.

E vírùs ta presente na Boneiru, esei ta sigur. Tur e último infekshonnan ta tuma lugá bou di habitantenan di Boneiru. Pa sa kuantu hende ta infektá, ta nesesario pa hopi hende laga tèst nan mes. Último tempu nos a mira ku ménos hende ta laga tèst nan mes.

A prolongá medidanan di COVID-19 ku dos siman - Coronamaatregelen met twee weken verlengd

Kralendijk - Ta prolongá e medidanan di corona ku ta na vigor awor for di 19 di febrüari 2021 ku dos siman te ku 4 di mart 2021. Esei gezaghèber Edison Rijna ta laga sa. ,,Na prinsipio di febrüari e kantidat di infekshon tabata bou. Nos ta mira awor ku e kantidat di infekshon ta oumentá atrobe pa 18 di persona ku ta malu. P’esei a skohe pa no suavisá awor, sino prolongá e medidanan ku dos siman,” asina gezaghèber a deklará. “Si e sifranan subi mas, tin chèns ku mester intensifiká e medidanan mas.”

A prolongá medidanan di COVID-19 ku dos siman - Coronamaatregelen met twee weken verlengd

Kralendijk - Ta prolongá e medidanan di corona ku ta na vigor awor for di 19 di febrüari 2021 ku dos siman te ku 4 di mart 2021. Esei gezaghèber Edison Rijna ta laga sa. ,,Na prinsipio di febrüari e kantidat di infekshon tabata bou. Nos ta mira awor ku e kantidat di infekshon ta oumentá atrobe pa 18 di persona ku ta malu. P’esei a skohe pa no suavisá awor, sino prolongá e medidanan ku dos siman,” asina gezaghèber a deklará. “Si e sifranan subi mas, tin chèns ku mester intensifiká e medidanan mas.”

Diálogo Sentral ta sostené petishon di Kolegio Ehekutivo na gabinete hulandes pa un aserkamentu na midí den lucha kontra corona - Centraal Dialoog steunt verzoek Bestuurscollege aan kabinet om maatwerk in strijd tegen corona

Kralendijk – Diálogo Sentral den kua dunadónan di trabou, sindikatonan i gobièrnu lokal ta traha huntu, ta para tras di e petishon por eskrito ku Kolegio Ehekutivo a hasi dia 2 di febrüari 2021 na minister di Salubridat Públiko, Bienestar i Deporte pa duna Boneiru mas espasio pa un aserkamentu na midí den e lucha kontra Covid-19.

Dos aña Akuerdo Intergubernamental Boneiru - Twee jaar Bestuursakkoord Bonaire

E Akuerdo Intergubernamental entre Entidat Públiko Boneiru i Estado Hulandes ta eksistí dos aña. Na fin di aña 2018 e partnernan a firma e akuerdo ku e ambishon pa fiha un vishon pa término largu pa Boneiru i fortifiká e koperashon ku Reino. E akuerdo ta kontené entre otro palabrashonnan tokante un desaroyo duradero pa futuro pa loke ta trata infrastruktura i mehorashon di kalidat di bida pa pueblo di Boneiru. Relashoná ku e último ei mester pensa riba engrandesementu di siguridat di empleo i redukshon di kosto di bida.

Diputado Nina den Heyer ta tuma nota di preparashonnan pa bakunashon kontra corona - Gedeputeerde Nina den Heyer neemt kijkje bij voorbereidingen inenting tegen corona

Kralendijk - Diputado Nina den Heyer a hasi un bishita di trabou na Fundashon Mariadal pa haña un bista di e preparashonnan pa pasamentu di angua kontra corona. Durante e bishita ku a tuma lugá siman pasá, Den Heyer a hiba kombersashon ku direktor Giovanni Frans i mènedjer médiko Gerrit Jacobs. E diputado tabata presente tambe na un entrenamentu pa botikario i asistente di botikario. E profeshonalnan akí mester prepará e bakunanan ora ta ènter hende. Entrante djaluna 22 di febrüari ta ènter personal di kuido komo esnan di promé na Fundashon Mariadal.

Promé ‘konsulta den bario’ di diputado Thielman ta na Rincon - Eerste wijkspreekuur gedeputeerde Thielman is donderdag in Rincon

Kralendijk – Mirando ku a drenta hopi pedido di siudadanonan ku kier papia ku diputado Hennyson Thielman, e ta bai tene konsulta den bario. E promé konsulta lo ta den bario di Rincon djaweps awor.
Durante di e orario di konsulta diputado Thielman lo bishitá Rincon pa skucha e preokupashonnan ku tin den komunidat relashoná ku su kartera, ku ta entre otro ekonomia. E orario di konsulta na Rincon lo ta riba djaweps 18 di febrüari próksimo di 1’or di mèrdia pa 7’or di anochi.

Timnan médiko i no médiko kla pa kuminsá bakuná kontra corona - Medische en niet medische teams in de startblokken voor inenting tegen corona

Kralendijk - Timnan di personal médiko i no médiko ta kla pará pa for di 22 di febrüari kuminsá bakuná mas o ménos 600 profeshonal den kuido. Siman pasá miembronan di e timnan a terminá un entrenamentu ku éksito ku Fundashon Mariadal i departamento di Salubridat Públiko a organisá. For di djaluna promé di mart 2021 ta bai usa e timnan pa bakuná hendenan riba 60 aña.

1000 steps i trapi un dia será pa públiko - 1000 steps en verder gelegen trap één dag gesloten voor publiek - 1000 steps and nearby stairs closed to the public for one day

E bich konosí komo 1000 steps i e trapi un tiki mas despues no ta aksesibel pa públiko general riba 16 di febrüari 2021 en konekshon ku trabou andando. E trabounan ta tuma lugá di 6’or di mainta pa 7‘or di anochi. For di djárason 17 di febrüari 2021 públiko ta bon biní einan atrobe.

1000 steps en verder gelegen trap één dag gesloten voor publiek

Pages