Dekreto di Gezaghèber di Boneiru (23 aprel 2021) Lesa mas tokante di e pandemia COVID-19

 

Konstrukshon

Relashoná ku reorganisashon di Unidat di Pèrmit di Servisio di Planifikashon i Desaroyo Boneiru (Dienst Ruimte & Ontwikkeling Bonaire - DROB) ta nesesario pa apliká instrukshonnan nobo ku lo mester promové e proseso di tratamentu di petishon pa pèrmit di konstrukshon ku a keda entregá. Pa e motibu aki entrante 1 di yanüari 2021 tur plan di konstrukshon lo mester kumpli ku e instrukshonnan aki bou. Den kaso ku plannan di konstrukshon no ta kumpli ku e instrukshonnan aki no ta tuma nan den tratamentu.

E mishon pa servisio di ROB (Ruimtelijk Ontwikkelingsplan Bonaire – Plan di Desaroyo Espasial Boneiru) pa dunamentu di pèrmit ta:

Servisio di ROB ta para pa un ambiente di biba duradero i seif kaminda suidadanonan, gruponan i empresanan por biba i traha bon.

Nos Unidat di Pèrmit (Unit Vergunningen - UV) ta boga pa entregá servisio i produkto ku ta kualitativamente bon, anda na un manera adekuá ku riesgo i traha ku enfoke riba kliente, komersialmente efisiente i transparente. Nos habitantenan mester por konfia ku ROB tin bista riba e riesgonan físiko alrededor i ku ROB tin e riesgonan mas bon posibel bou di kontròl.