Kambia di adrès na Boneiru

Ora ku bo kambia kas na Boneiru pa mas tardá 5 dia despues di bo mudansa bo tin ku mèldu bo adrès nobo na departamentu di Registro Sivil. Bo por mèldu bo mudansa personalmente tambe na bali di Registro Sivil. No tin gastu mará na esaki i bo tin ku bini ku un prueba di identidat (sédula) bálido. 

Muda pa eksterior (emigrashon)

Si bo ta muda pa eksterior (emigrashon) òf durante e próksimo 12 luna bo ta permanesé por lo ménos 8 luna den eksterior, e ora ei bo tin ku mèldu esaki dentro di 5 dia promé ku bo sali pa eksterior. Bo tin ku paga $4,19 pa e prueba ku bo a kita bo nòmber for di Registro Sivil na Boneiru.

Muda for di eksterior (imigrashon)

Si komo yu di tera bo ta muda for di eksterior pa Boneiru òf durante e próksimo 6 luna bo ta permenesé minimalmente 4 luna na Boneiru, e ora ei dentro di 5 dia despues di bo yegada bo tin ku inskribí bo mes personalmente na bali di Registro Sivil. Si bo partner i/òf bo yunan ta muda bini huntu ku bo, e ora ei boso tin ku bini huntu na bali di Registro Sivil. Prosesamentu di bo deklarashon ta tuma lugá despues di 1 siman ku a risibí esaki. Inskripshon den Registro Sivil no ta kosta nada i bo tin ku bini ku un prueba di identidat bálido.  Pa tur otro kaso bo tin mester di un atmishon di Servisio di Imigrashon i Naturalisashon (Immigratie- en Naturalisatiedienst - IND). Pa mas informashon wak riba www.rijksdienstcn.com. Bo por tuma kontakto tambe ku Servisio di Imigrashon i Naturalisashon (Immigratie- en Naturalisatiedienst - IND) via www.rijksdienst.com.

Trese lo siguiente ora bo ta bini Registro Sivil pa inskripshon:

  • Un pasport bálido. Si bo tin nashonalidat hulandes e ora ei semper bo tin ku bini ku bo pasport hulandes;
  • E dokumentonan original di akontesimentunan di bida den eksterior manera nasementu (papel di nasementu), kasamentu (papel di kasamentu), divòrsio, nasementu di yunan, adopshon, outoridat parental, rekonosementu di yu i fayesimentu (papel di fayesimentu).
  • Hopi biaha mester legalisá dokumentonan for di eksterior. Pa mas informashon tokante legalisashon di dokumentu wak riba www.rijksoverheid.nl;
  • Si bo ta bini for di Reino (Aruba, Curaçao, Sint Maarten, Sint Eustatius òf Saba), e ora ei bini tambe ku e prueba original ku bo a kita bo nòmber for di e isla ei.