Muda
Kambia di adrès na Boneiru
Ora ku bo kambia kas na Boneiru pa mas tardá 5 dia despues di bo mudansa bo tin ku mèldu bo adrès nobo na departamentu di Registro Sivil. Bo por mèldu bo mudansa personalmente tambe na bali di Registro Sivil. No tin gastu mará na esaki i bo tin ku bini ku un prueba di identidat (sédula) bálido.
Muda pa eksterior (emigrashon)
Si bo ta muda pa eksterior (emigrashon) òf durante e próksimo 12 luna bo ta permanesé por lo ménos 8 luna den eksterior, e ora ei bo tin ku mèldu esaki dentro di 10 dia promé ku bo sali pa eksterior.
Muda for di eksterior (imigrashon)
Tur hende ku :
- a haña un pèrmit di estadia bálido di Servisio di Imigrashon i Naturalisashon, IND (Immigratie- en Naturalisatiedienst, IND)
- ke bai keda mas ku kuater luna den mei aña na Boneiru
mester traha un sita denter di 5 dia despues di a risibí pèrmit di estadia pa inskribí su mes personalmente na departamentu di Asuntu Sivil di entidat públiko Boneiru. Tur e miembronan di famia ku ta muda huntu ku e persona mester bini e sita pa inskripshon.
Pa mas informashon tokante pèrmit di estadia wak na rijksdienstcn.com.
Bo por tuma kontakto tambe ku IND via rijksdienstcn.com.
Kiko mi mester bini kuné?
- Un pèrmit di estadia bálido. Bo ta pidi esaki na IND
- Un pasport bálido di kada persona ku ta inskribí;
- Un prueba pa siudadano for di Hulanda, òf e parti karibense di reino (Aruba, Kòrsou, Sint Maarten, Sint Eustatius i Saba) ku e persona no ta registrá mas na registro sivil komo residente;
- Si bo a nase den eksterior: dokumento ofisial legalisá, manera un prueba resien di akta di nasementu, un prueba di akta di matrimonio, un prueba di akta di diborsio, òf prueba di inskripshon di akta di fayesementu di bo pareha. Pa mas informashon tokante legalisashon (i apostille) wak e wèpsait di Nederlandwereldwijd.
No tin gastu mará na e inskripshon. Inskripshon ta grátis
