Manifestashon

E Lei Manifestashonnan Públiko (De Wet Openbare manifestaties - Wom) ta aplikabel ora ta tene un manifestashon òf demonstrashon. Tin kestion di un manifestashon públiko ora tin vários persona ku públikamente ke ekspresá nan opinion i kaminda ekspreshon di e opinion aki ta para sentral.

Mi tin mester di pèrmit pa tene un demonstrashon òf manifestashon?

Pa tene un demonstrashon òf manifestashon mester di un asina yamá notifikashon. Esaki bo mester tin por lo ménos 72 ora promé ku e manifestashon kuminsá. Di e forma aki Gezaghèber ta na altura.

Si e ora di e notifikashon ta kai riba un djabièrnè despues di 12:00 or, riba un djasabra òf riba un dia di fiesta ofisial, e ora ei pa mas tardá riba e dia di trabou anterior na e dia riba kua e ora ei ta kai, promé ku 12:00 or bo tin ku entregá e notifikashon.

Kon mi tin ku anunsiá mi intenshonnan?

Pa medio di un formulario online bo ta notifiká Gezaghèber di bo intenshonnan pa na un sitio públiko tene un enkuentro, reunion òf manifestashon relashoná ku profesashon di un religion òf konvikshon di bida manera intenshoná den Lei Manifestashonnan Públiko BES.

Podio òf stènt?

Den kaso di ponementu di por ehèmpel un stènt òf un podio riba kaminda públiko por kobra derecho di prekario konforme artíkulo 1 te ku 5 di e Dekreto tarifa di derecho di prekario i retribushon (A.B.1992, no. 9) i e kambio pa loke ta trata artíkulo 3 den A.B. 2008, no. 28.

Ta bende artíkulo òf kos di kome?

Si e kontesta ta ‘si’, e ora ei dentro di 4 siman anterior na e manifestashon ku ta bai tene, mester pidi un pèrmit di bufèt na departamentu di Asuntunan Hurídiko i General (JAZ), situá na J.A. Abraham Boulevard  27.

Preskripshon òf limitashon

A base di e Lei Manifestashonnan Públiko adelantá Gezaghèber por imponé preskripshon òf limitashon pa e demonstrashon. Eseinan nunka no ta trata di e kontenido di e demonstrashon òf limitashon. Durante e demonstrashon tambe Gezaghèber por duna instrukshon na e partisipantenan. Esaki pa protekshon di salú, na interes di tráfiko i pa kombatí òf prevení desòrden.

Gastu

Mèldumentu di un demonstrashon òf manifestashon ta grátis. Medidanan adishonal manera ponementu di por ehèmpel barera, stènt òf podio sí por kosta sèn.    

Video instrukshon Manifestashon