Kompensashon pa artíkulo di skol

Pa aña eskolar 2024-2025 bo por pidi un kompensashon pa artíkulo pa skol/unifòrm  pa yu(nan) ku ta na skol básiko. Bo bo por pidi tambe kompensashon pa buki pa yu(nan) ku ta menor di edat i ta bai MBO. Studiante di MBO ku ta mayor di edat, mester pidi e kompensashon nan mes. 

Pa alumno di skol básiko, e kompensashon ta 300 dòler, pa kada yu. Pa studiante di MBO e kompensashon pa buki di estudio ta maksimal 400 dòler. E suma ta dependé di e estudio.

Esaki ta e kondishonnan pa bini na remarke:

Inskripshon

Bo yu(nan) menor di edat ta inskribí na un skol básiko òf na MBO pa aña eskolar 2024-2025. Studiante mayor di edat mester tin prueba di inskripshon na MBO. 

Entrada mayor/tutor


Un mayor/tutor soltero ku 1 yu menor di edat:
e entrada mester ta mas abou ku 2.599 dòler nèto pa luna.


Un mayor/tutor soltero ku 2 òf mas yu menor di edat:
e entrada mester ta mas abou ku 3.362 dòler nèto pa luna.


Un pareha ku ta biba huntu den 1 kas ku 1 yu menor di edat:
e entrada di e pareha mester ta mas abou ku 3.411 dòler nèto pa luna.


Un pareha ku ta biba huntu den 1 kas ku 2 òf mas yu menor di edat:
e entrada di e pareha mester ta mas abou ku 4.165 dòler nèto pa luna

Entrada studiante di MBO


Un studiante mayor di edat soltero sin yu:
e entrada mester ta mas abou ku 2.033 dòler nèto pa luna.


Un studiante mayor di edat, bibá huntu ku su pareha den 1 kas, sin yu:
e entrada di e pareha mester ta mas abou ku 2.802 dòler nèto pa luna.


Un studiante mayor di edat ku 1 òf mas yu menor di edat:
wak pa e kondishonnan pa mayor/tutor di mucha na skol básiko.

.

Paga tinu! Bo tin yu menor di edat na skol básiko i na MBO? Òf bo ta studiante mayor di edat na MBO ku yu na skol básiko? Yena tur dos formulario.

Kontakto

Pa mas informashon tokante e kompensashon bo por yama nos na 701 10 55
òf manda un app di djaluna te ku djaweps di 09:00 - 12:00 or i di 14:00 - 16:00 or.
Bo por mail nos tambe na schoolbenodigdheden@bonairegov.com