Angua kontra corona ku bo ta bolbe pasa

For di 15 di òktober 2022 tin un angua nobo ku bo ta bolbe pasa kontra corona pa un protekshon ainda mas mihó kontra e variante omikron. Ekspertonan ta spera un ola di corona nobo e último lunanan di aña ora kantidat grandi di bishitante bini Boneiru. E angua ku bo ta bolbe pasa mester baha e chèns pa kontagio i baha e chèns ku hopi tempu despues di un kontagio, hende tin keho ainda. Ta yama esaki tambe long COVID.

Hende grandi ta vulnerabel. Serka nan e protekshon ku e angua di corona ta ofresé, despues di un tempu ta bira ménos mas lihé ku serka hende mas hóben. Ora hende grandi kontagiá, nan tin mas chèns pa bira hopi malu i bai hòspital. E departamentu di Salubridat Públiko ta konsehá amigunan i famianan di hende grandi pa pasa e angua nobo di corona. Asina nan ta protehá hende grandi den nan besindario.

Ora tin hopi kontagio, ménos hende ta bai traha. Esei por tin konsekuensia pa empresa, horeca, i skolnan di deporte. Tambe e preshon riba kuido por oumentá. Pa prevení esaki, ta importante ku hendenan vulnerabel manera personanan ku sobrepeso, malu di suku òf preshon haltu ta pasa e angua ku bo ta bolbe pasa. I tambe ku hendenan salú ta pasa e angua ku bo ta bolbe pasa pa protehá nan mes i otro.