E lei di enseñansa obligatorio BES ta stipulá ku un mucha ta obligá pa regularmente bai skol. E reglanan den e lei aki ta bálido pa muchanan entre 4 pa 18 aña i desde 1 di yanüari 2011 ta na vigor.

Den e lei tin tur e obligashonnan i reglanan relashoná ku e obligashonnan di mayornan i tutor manera:

• Inskripshon di e yunan na skol
• Sòru pa e muchanan bai skol tur dia

Tur skol a risibí un manual en relashon ku e enseñansa básiko den kua tin entre otro asuntunan manera;

• Enseñansa obligatorio
• Inskripshon i kanselashon na skol
• Suspenshon i kitamentu di alumnonan for di skol
• Kasonan eksepshonal
• Momentu ku tin posibilidat pa dispensashon di e obligashon
• Kua regla ta bálido en relashon ku faltamentu di skol

E lei ta drenta na vigor momentu ku un yu alkansá 4 aña i ta finalisá momentu ku e hasi 18 aña òf na final di aña eskolar kaminda e mucha haña su diploma VMBO, HAVO/VWO òf un diploma igual ku ta rekonosé dor di minister di enseñansa.

E kordinadó di enseñansa obligatorio di Entidat Públiko Boneiru ta por lo pronto ta (Vencent Pengel) te ku fin di mei  (SEK, telefon 717 – 2211).

Aki por lesa e informashon kompletu relashoná ku enseñansa obligatorio.