Tratado di Ramsar

Akuerdo relashoná ku teritorionan di awa di nifikashon internashonal, spesialmente komo lugá na unda paranan di awa ta permanesé; Ramsar (Iran), 1971 (Trb. 1975 nr 84). E tratado aki ta konta pa henter Reino, pa Antia Hulandes desde 1 di yanüari 1986. Un pais ku ta partido di e tratado aki, ta komprometé su mes pa ofresé protekshon na teritorionan di awa i paranan di awa. Esaki ta konta pa e teritorionan indiká. Pa Antia Hulandes esakinan ta Lac, Peleké ku Santuario di Flamingo, Goto, Slagbaai i Klein Boneiru.
http://www.ramsar.org

CITES

Akuerdo tokante negoshi internashonal den sortonan di bestia i mata menasá ku ta biba den naturalesa, Washington, 1973 (trb 1975 nr 23). E tratado aki ta regla e negoshi den sortonan di bestia via tres anekso ku lista di sortonan. E sortonan mas menasá ta debn anekso I. Den práktika no por negoshá den e sortonan aki. Por negoshá den e sortonan ku ta riba anekso II, pero mester di un pèrmit di eksportashon. Anekso III ta konta pa e sortonan di sierto paisnan.
http://www.cites.org

Tratado di Cartagena

Tratado relashoná ku protekshon i desaroyo di medio ambiente marino den área di Caribe, Cartagena de Indias, Colombia, 1983 (Trb 1983 nr 152). Esaki ta un tratado di kuadro pa kua ta duna kontenido pa medio di protokòl. Pa maneho di naturalesa e protokòl pa Special Protected Aeas and Wildlife (SPAW), Jamaica, 1990 (Trb 1990 nr 115) ta relevante. Partidonan ta komprometé na mes pa protekshon di sortonan ku ta menshoná den e protokòl aki i di zonanan spesial di kosta.
http://www.cep.unep.org/cartagena-convention/plonearticlemultipage.2005-11-30.9771186485/plonearticle.2005-11-30.0334950413

Tratado di Bonn

Akuerdo relashoná ku protekshon di sortonan di bestia pasante., Bonn 1979 (Trb 191 nr6). E tratado aki ta konta pa henter Reino, pa Antia Hulandes desde 1 di yanüari 1986. E tratado aki ta regla protekshon di sortonan di bestia ku ta demonstrá un patronchi di migrashon. Den anekso I di e tratado aki tin poné e sortonan mas menasá.
http://www.cms.int

Tratado di turtuga di laman

Tratado pa protekshon di turtuganan di laman i nan teritorio di biba na kontinente amerikano i e área di Caribe.
http://www.iacseaturtle.org/iacseaturtle/English/home.asp

Tratado di biodiversidat

E tratado pa mantenshon di diversidat biológiko, Rio de Janeiro, 1992 (Trb 1992 nr 164); e tratado aki ta ratifiká sí pa Reino Hulandes, pero ku eksklushon di Antia Hulandes. E tratado aki ta bai tokante e protekshon di biodiversidat, uso duradero di e komponentenan ku ta kondusí na e diversidat aki i un repartishon hustu i igual ku ta resultá for di e uso di fuentenan ousiliar genétiko.
http://www.cbd.int/convention/articles.asp