Text Size

  • Increase
  • Decrease
  • Normal

Current Size: 100%

SEKRETARIO DI ESTADO KNOPS: KOSNAN BON TA PASANDO NA BONEIRU

Den Haag – ‘Kosnan bon ta pasando na Boneiru.’ Esaki sekretario di estado di Asuntunan Interno i Relashonnan den Reino a enfatisá durante e debate den Tweede Kamer tokante e presupuestonan di Relashonnan den Reino i fondo di BES. Diputado Elvis Tjin Asjoe ku ta ku bishita di trabou na Hulanda Oropeo a asistí na e debate. E presidente di Tweede Kamer Khadija Arib a yam’é bonbiní.

Sekretario di estado Knops a konstatá ku despues di elekshon di mart último tin kestion di un movementu positivo na Boneiru. ‘Ta hopi bunita pa mira ku e diputado di Boneiru, señor Tjin Asjoe, ta presente. E ta pertenesé na e kategoria di gobernante ku kende por traha hopi bon huntu. Esei ta bon, pasobra mi a kaba di papia tokante forsanan kontrario ku tin. Esei ta algu hopi fèrfelu, sigur si bo ta para pa interes general, pero si bo tin e noshon ku boso tur dos ta para pa interes general, e ora ei ta hopi mas fásil pa logra nos metanan.’

E mandatario a deklará ku un aña pasá e tabata mas krítiko tokante e manera ku kosnan tabata bayendo na Boneiru. ‘E tempu ei nos tabata na víspera di e Akuerdo Intergubernamental. Ku sosten di un mayoria hopi grandi den Konseho Insular nos a logra e akuerdo ei. Awor aki ta trahando riba detayenan di e akuerdo ei. For di e lugá aki mi ke gradisí Kolegio Ehekutivo, pero tambe e mènedjer di programa i tur otro personanan enbolbí pa nan dedikashon. Di bèrdat mi ta haña ku tin kosnan bon ta pasando ayanan. Hopi biaha e resultadonan ta sali afó ku un tipo di retraso, pero sigur esei ta bai pasa; mi ta berdaderamente konbensí di esei. Esei ta bini pa motibu ku nos ta di akuerdo ku otro tokante e prioridatnan. A forma un Kolegio Ehekutivo nobo. E Kolegio aki a añadí un programa di gobernashon tambe, ku algun detaye aserka. E totalidat aki ta bai kondusí na e echo ku hendenan na Boneiru ta bai ripará ku kos ta bayendo mihó pa nan.’

E sekretario di estado a reakshoná tambe riba un sugerensia di parlamentario Machiel de Graaf di PVV pa despues di Sint Eustatius intervení na Boneiru tambe: ‘Esei apsolutamente no ta e kaso. Señor Tjin Asjoe por regresá kas ku un kurason trankil. Nos no ta bai intervení na Boneiru. Dikon nò? Pasobra tin kosnan hopi bon ta pasando ayanan. Promé mi tabata preokupá si tokante e situashon i tokante e echo ku muchu tiki kos tabata pasa, pero awor aki tin masha hopi kos ta tuma lugá. Tin progreso riba tereno di maneho finansiero. Nan ta reorganisando e organisashon i nan ta hinkando hende nobo aden. Esei ta bai duna resultado; mi ta realmente konbensí di esei.’

Durante di suspenshon di e debate diputado Tjin Asjoe a haña invitashon pa lùnch huntu ku e parlamentarionan Attje Kuiken di PvdA, Antje Diertens di D66, Nevin Özütok di Groenlinks i André Bosman di VVD den e restorant pa miembronan di Tweede Kamer. ‘Ta plasentero pa por ripará ku no solamente sekretario di estado Knops, pero tambe parlamentarionan ta positivo tokante loke nos ta hasiendo na Boneiru i ku nos por konta ku nan sosten pa atendé ku asuntunan manera kombatimentu di pobresa i drechamentu di kamindanan i fasilidatnan’, segun diputado Tjin Asjoe.     

 

Riba e potrètnan:

 

  1. Diputado Elvis Tjin Asjoe durante lùnch den edifisio di parlamento ku e miembronan di parlamento (drpd) Attje Kuiken di PvdA, Nevin Özütok di Groenlinks i Antje Diertens di D66.

 

  1. Diputado Elvis Tjin Asjoe den kombersashon ku miembro di Tweede Kamer pa SP (Partido Sosialista) Ronald van Raak. (Foto: Suzanne Koelega). 

 

 

Staatssecretaris Knops: Op Bonaire gebeuren goede dingen

Den Haag - ,,Op Bonaire gebeuren goede dingen." Dat benadrukte staatssecretaris van Binnenlandse Zaken en Koninkrijksrelaties Raymond Knops tijdens het debat in de Tweede Kamer over de begrotingen Koninkrijksrelaties en het BES-fonds. Het debat werd bijgewoond door gedeputeerde Elvis Tjin Asjoe die op werkbezoek is in Europees Nederland. Hij werd verwelkomd door voorzitter van de Tweede Kamer Khadija Arib.
Staatssecretaris Knops constateerde dat er na de verkiezingen op Bonaire sprake is van een positieve beweging. ,,Het is heel mooi om te zien dat de gedeputeerde van Bonaire, de heer Tjin Asjoe, aanwezig is. Hij behoort tot de categorie van bestuurders met wie het goed samenwerken is. Dat is fijn, want ik had het zojuist over tegenkrachten die er zijn. Dat is heel vervelend, zeker als je voor het algemeen belang staat, maar als je de notie hebt dat je beiden voor het algemeen belang staat, kun je veel beter tot zaken komen."
De bewindsman verklaarde dat hij een jaar geleden kritischer was over de gang van zaken op Bonaire. ,,Toen stonden we aan de vooravond van het Bestuursakkoord. We zijn met steun van een hele grote meerderheid in de Eilandsraad tot dat akkoord gekomen. Dat wordt nu uitgerold. Vanaf deze plek wil ik het Bestuurscollege, maar ook de programmamanager en alle andere betrokkenen danken voor hun inzet. Ik vind echt dat daar goede dingen gebeuren. De resultaten komen vaak met een soort vertraging los, maar dat gaat echt gebeuren; daar ben ik echt van overtuigd. Dat komt doordat we overeenstemming hebben over de prioriteiten. Er is een nieuw Bestuurscollege gevormd. Dat heeft er ook nog een collegeprogramma aan toegevoegd, met een aantal accenten. Dat geheel gaat ertoe leiden dat de mensen op Bonaire gaan merken dat het hun beter gaat."
De staatssecretaris ging ook nog in op een suggestie van het Kamerlid Machiel de Graaf (PVV) om na Sint Eustatius ook in te grijpen op Bonaire: ,,Dat is helemaal niet aan de orde. De heer Tjin Asjoe kan gerust naar huis: we gaan niet ingrijpen op Bonaire. Waarom niet? Omdat daar de goede dingen gebeuren. Ik heb me wel zorgen gemaakt over de situatie en over het feit dat er te weinig gebeurde, maar er gebeurt nu heel veel. Er is vooruitgang op het gebied van financieel beheer. De organisatie wordt gereorganiseerd en er worden nieuwe mensen aan toegevoegd. Dat gaat resultaat opleveren; daar ben ik echt van overtuigd."
Tijdens de schorsing van het debat werd gedeputeerde Tjin Asjoe uitgenodigd om samen met de Kamerleden Attje Kuiken (PvdA), Antje Diertens (D66), Nevin Özütok (GroenLinks) en André Bosman (VVD) te lunchen in het ledenrestaurant van de Tweede Kamer. ,,Het is plezierig te kunnen vast stellen dat niet alleen staatssecretaris Knops, maar ook de Kamerleden positief zijn over waar wij op Bonaire mee bezig zijn en dat wij kunnen rekenen op hun steun om zaken als de bestrijding van de armoede en de verbetering van de wegen en voorzieningen aan te pakken", aldus gedeputeerde Tjin Asjoe.

Bij de foto's:

1) Gedeputeerde Elvis Tjin Asjoe tijdens de lunch in het Kamergebouw met de Tweede Kamerleden (vlnr) Attje Kuiken (PvdA), Nevin Özütok (GroenLinks) en Antje Diertens (D66).

2) Gedeputeerde Elvis Tjin Asjoe in gesprek met SP-Tweede Kamerlid Ronald van Raak (Foto: Suzanne Koelega).