Text Size

  • Increase
  • Decrease
  • Normal

Current Size: 100%

Reunion di Kolegio Ehekutivo di awor en adelante den barionan tambe

Kralendijk - Kolegio Ehekutivo ta tene su reunionnan semanal un biaha pa luna na Antriol, Nikiboko, Nort’i Saliña, Playa, Rincon i Tera Kòrá. Kada biaha un di e barionan aki ta na turno. Resientemente Kolegio Ehekutivo a disidí esaki. Djarason último gezaghèber Edison Rijna i e diputadonan Nina den Heyer, James Kroon i Elvis Tjin Asjoe pa promé biaha a tene nan reunion di gobièrnu na Rincon na e sentro multifunshonal Cocari. Den pousa Kolegio Ehekutivo a bishitá e hende grandinan na Cocari pa skucha nan eksperensianan personal. Durante e bishita diputado Elvis Tjin Asjoe a toka algun piesa riba su kitara.
Despues di lùnch Kolegio Ehekutivo a bai stadion di Rincon, Stadion Antonio Trenidat, pa wak su estado aktual i e fasilidatnan ku tin einan. Tambe Kolegio Ehekutivo a tira un bista riba e parti bieu di kaminda Broertje Janga. Te ainda no a terminá e trabounan na e kaminda aki. Tambe Kolegio Ehekutivo a hasi un bishita na Kolegio San Luis Bertran. Entidat Públiko Boneiru a reservá medionan pa drecha e parke di hunga di e skol aki.
Di awor en adelante Kolegio Ehekutivo ke reuní den nos barionan. Pa Kolegio Ehekutivo ta importante pa enbolbí suidadanonan mas tantu posibel ku su maneho. Ora di tuma desishon tambe Kolegio Ehekutivo ke tene kuenta ku loke ta biba den pueblo. Pa e motibu aki Kolegio Ehekutivo ta bai reuní mas tantu biaha den nos barionan i bishitá habitantenan di bario pa tende kiko ta nan deseonan i ideanan.
Si den un kombèrsashon asina kasonan urgente bini dilanti, Kolegio Ehekutivo por trata eseinan mesora òf pone nan riba agènda di un siguiente reunion. Kolegio Ehekutivo por skohe tambe pa konsultá mas aleu ku habitantenan di bario apart. Ku e reunionnan di gobièrnu den nos barionan i e bishitanan serka habitantenan di bario, Kolegio Ehekutivo ke reakshoná rápido i dirigí riba loke ta andando den komunidat.

BC-vergaderingen voortaan ook in wijken

Kralendijk - Het Bestuurscollege houdt de wekelijkse vergaderingen een keer in de maand om de beurt in Antriol, Nikiboko, Noord Saliña, Playa, Rincon en Tera Cora. Dat heeft het college pas geleden besloten. Gezaghebber Edison Rijna, de gedeputeerden Nina den Heyer, James Kroon en Elvis Tjin Asjoe hebben hun bestuursvergadering afgelopen woensdag voor het eerst in Rincon gehouden bij het multifunctioneel centrum Cocari. In de pauze heeft het BC de ouderen in Cocari bezocht om naar hun persoonlijke ervaringen te luisteren. Bij het bezoek heeft gedeputeerde Elvis Tjin Asoe enkele nummers op zijn gitaar gespeeld.
Na de lunch is het BC naar het stadion van Rincon gegaan om te kijken naar de huidige staat en de voorzieningen daar. Ook heeft het college een kijkje genomen bij de oude weg Broertje Janga. De werkzaamheden aan deze weg zijn tot nu toe niet afgerond. Het BC is ook langs geweest bij Kolegio San Luis Beltran. Het OLB heeft middelen gereserveerd om de speeltuin van deze school op te knappen.
Het BC wil voortaan in de wijken vergaderen. Voor het college is het belangrijk om burgers zoveel mogelijk bij het beleid te betrekken. Het BC wil ook bij de besluiten die het neemt rekening houden met wat er onder de bevolking leeft. Daarom gaat het BC vaker in de wijken vergaderen en bij wijkbewoners op bezoek om te horen wat de wensen en ideeën zijn.
Als in zo’n gesprek dringende zaken naar voren komen, kan het BC dat meteen bespreken of op de agenda van een volgende vergadering plaatsen. Het BC kan ook kiezen om apart met de wijkbewoners verder te overleggen. Met de bestuursvergaderingen in de wijken en de bezoeken aan wijkbewoners, wil het college snel en gericht reageren op wat er in de samenleving speelt.