Text Size

  • Increase
  • Decrease
  • Normal

Current Size: 100%

RAMON MARTINES TRINTA AÑA KOMO ÁMTENAR

Kralendijk – Ramon  E Martines a rekordá ku 1 di novèmber 1989 su persona a drenta servisio di gobièrnu di Boneiru komo aspirante di seguridat na Servisio Sentral di Vigilansia ( SSV).  Durante di e añanan Ramon a bai diferente kurso, entre otro ámtenar di seguridat di promé klase. Na aña 2012 Ramon huntu ku su otro koleganan a pasa pa e direktorado di Inspekshon i mantenshon di òrdu. Ramon su trabou diario ta mantenshon di òrdu den proyektonan i Taskforce.  banda di su trabou diario komo Inspektor Ramon ta responsabel pa e fail di vürwèrk. sr. Martines a spesialisá su mes den asuntu nan di vürwèrk kaminda su persona pa un periodo kòrtiku a kore stage na Hulanda pa wak kon na Hulanda nan ta atendé ku vürwèrk. Resientemente Ramon a terminá un kurso mas profundo di konosementu di vürwèrk ku a tuma lugá aki na Boneiru. Finalmente gezaghebber Edison Rijna na nòmber di gobièrnu di Boneiru a entrega Ramon e ènvelòp i sertifikado di rekonosimentu pa gradisié pa tur e añanan ku su persona fielmente ta akudí na su boka di trabou pa duna su servisio na komunidat Boneriano.