Text Size

  • Increase
  • Decrease
  • Normal

Current Size: 100%

Promé angua kontra corona pa casemanager Winklaar ku ke inspirá otronan Diputado Den Heyer ta orguyoso ku un hende muhé ta skirbi historia - Eerste coronaprik voor casemanager Winklaar die anderen wil inspireren

Kralendijk - Henna Winklaar, pa basta aña kaba casemanager demensia na Fundashon Mariadal, ta e promé persona ku a haña angua contra corona na Boneiru. ‘Mi ta laga bakuná mi mes pasobra mi ta traha ku e grupo mas vulnerabel na Boneiru. Banda di esei mi ke protehá mi mes i motivá i stimulá mi koleganan pa tuma e angua,’ asina Winklaar a deklará despues ku el a pasa angua den e edifisio bieu di Forma.

Diputado Nina den Heyer a para banda di Winklaar ora ku el a pasa angua. Despues Den Heyer a duna Winklaar na nòmber di Kolegio Ehekutivo un bukèt di flor i yam’é danki. ‘Bo ta un fuente di inspirashon i un ehèmpel kon hende muhé na Boneiru ta skirbi historia di nobo,’ asina e diputado a bisa. Gezaghèber Edison Rijna i Representante di Reino interino Jan Helmond, direktor Giovanni Frans di Fundashon Mariadal i mènedjer médiko Theo Braeken di e mesun fundashon tambe tabata presente pa ta testigu di e promé angua kontra corona.

Gezaghèber Rijna a deskribí e dia komo un momentu históriko kaminda a fortifiká nos komunidat den e lucha kontra e pandemia. Representante di Reino interino Helmond a ekspresá e speransa ku tur hende na Boneiru lo laga bakuná nan mes. Direktor Frans di Fundashon Mariadal a para ketu na e echo ku COVID ta pone preshon riba kuido na nos isla i riba personal di kuido. Awor ku pasamentu di angua a kuminsá, Frans ta spera ku Boneiru ta logra dominá COVID-19.

For di djaluna 22 di febrüari profeshonal di kuido i hende di 60 aña bai ariba por registrá pa tuma bakunashon. Espektativa ta ku na fin di e siman aki tur personal di kuido a haña e promé di e dos anguanan di e bakuna di Pfizer. For di djaluna 1 di mart por bakuná hende di 60 aña bai ariba na Sentro Deportivo Jorge Nicolaas na Playa. Riba djárason 3 di mart hende di 60 aña bai ariba por laga bakuná nan mes na Cocari na Rincon.

Eerste coronaprik voor casemanager Winklaar die anderen wil inspireren
Gedeputeerde Den Heyer trots dat een vrouw geschiedenis schrijft

Kralendijk - Henna Winklaar, al jaren case manager dementie bij Fundashon Mariadal, heeft als eerste de coronaprik op Bonaire gekregen. ,,Ik laat me vaccineren omdat ik met de meest kwetsbare groep op Bonaire werk. Daarnaast wil ik mezelf beschermen en mijn collega’s motiveren en stimuleren om de prik te nemen,” zo heeft Winklaar verklaard nadat ze bij het oude gebouw van Forma de prik kreeg.

Gedeputeerde Nina den Heyer stond naast Winklaar toen ze geprikt werd. Den Heyer bedankte Winklaar na afloop namens het Bestuurscollege en gaf haar een boeketje. ,, U bent een inspiratiebron en een voorbeeld van hoe vrouwen op Bonaire opnieuw geschiedenis schrijven, “zo zei de gedeputeerde. Gezaghebber Edison Rijna en waarnemend Rijksvertegenwoordiger Jan Helmond, directeur Giovanni Frans van Fundashon Mariadal en medisch manager Theo Braeken van dezelfde stichting waren ook aanwezig om getuige te zijn van de eerste coronaprik.

Gezaghebber Rijna omschreef de dag als een historisch moment waarin de samenleving versterkt wordt in de strijd tegen de pandemie. Waarnemend Rijksvertegenwoordiger Helmond sprak de hoop uit dat iedereen zich op Bonaire laat vaccineren. Directeur Frans van Fundashon Mariadal stond stil bij het feit dat COVID de zorg op het eiland en het zorgpersoneel belast. Nu de inentingen beginnen, hoopt Frans dat het Bonaire lukt om COVID-19 te bedwingen.

Vanaf maandag 22 februari kunnen zorgprofessionals en 60-plussers zich aanmelden om gevaccineerd te worden. De verwachting is dat al het zorgpersoneel eind deze week de eerste van de twee prikken van het Pfizer vaccin heeft gehad. Vanaf maandag 1 maart kunnen 60 –plussers bij Sentro Deportivo Jorge Nicolaas in Playa worden gevaccineerd. Op woensdag 3 maart kunnen de 60-plussers zich bij Cocari in Rincon laten vaccineren.