Text Size

  • Increase
  • Decrease
  • Normal

Current Size: 100%

A nombra Tim Muller komo sekretario insular

Kralendijk – E siman aki Kolegio Ehekutivo di Boneiru a disidí pa nombra Tim Muller komo sekretario insular. Entrante 1 di mei Muller, kende ainda ta sekretario insular na Saba, ta kuminsá ku su trabou na Boneiru.

Muller a okupá diferente funshon na Hulanda: na e siudat Den Haag komo direktor general di e servisio di Asuntunan Públiko, na Amsterdam komo direktor athunto di e servisio di Desaroyo Sosial, na e ofisina di kònsùltent Twynstra Gudde i na ministerio di Asuntunan Interno.

Muller: ‘Huntu ku mi kasá Yvonne i nos yu muhé Jessye na aña 2015 mi a bini Karibe for di Hulanda. Nos tur dos ta di desendensia sürnam i ta bon pa ta den e region aki atrobe. Despues di mi temporada na Saba mi ta anhelá pa traha duru riba desaroyo mas aleu di Entidat Públiko Boneiru. Gustosamente mi ke sera konosí pronto ku mi koleganan i tur otro hende ku huntu ta yuda edifiká un mihó Boneiru.

Despues ku e funshon di sekretario insular a bira vakante entrante 1 di novèmber pa motibu di nombrashon di Nerry Gonzalez komo ‘kwartiermaker deelnemingen’, Kolegio Ehekutivo a kuminsá buska un susesor ku por kontribuí aktivamente na realisashon di e ambishonnan di Kolegio Ehekutivo manera nan ta formulá den Programa di Gobernashon i na fortifikashon di e aparato gubernamental manera ta stipulá den Akuerdo Intergubernamental.

‘Nos ta para dilanti desafionan grandi, entre otro eliminashon di retraso i pa e motibu ei nos ta kontentu ku nos por a haña un kandidato ku un trayektoria probá  komo profeshonal den servisio públiko ku na mes momentu tin afinidat grandi ku Hulanda Karibense i ku sa na unda nos prioridatnan ta’, segun Kolegio Ehekutivo.       

 

Tim Muller benoemd tot eilandsecretaris

Kralendijk - Het Bestuurscollege van Bonaire heeft deze week besloten Tim Muller aan te stellen als eilandsecretaris. Muller, thans nog eilandsecretaris op Saba, gaat op 1 mei aan de slag op Bonaire.

Muller bekleedde verschillende functies in Nederland: in de stad Den Haag als algemeen directeur van de dienst Publiekszaken, in Amsterdam als adjunct-directeur van de Dienst Maatschappelijke Ontwikkeling, bij het consultancybureau Twynstra Gudde en bij het ministerie van Binnenlandse Zaken.

Muller: ,,Ik ben samen met mijn vrouw Yvonne en onze dochter Jessye in 2015 vanuit Nederland naar de Cariben gekomen. We zijn beiden van Surinaamse afkomst en het is goed weer in de regio te zijn. Na het Saba-avontuur kijk ik ernaar uit om mijn krachten te geven aan de verdere ontwikkeling van het openbaar lichaam Bonaire. Ik maak graag gauw kennis met mijn collega’s en iedereen die helpt meebouwen aan een beter Bonaire."

Nadat de functie van eilandsecretaris per 1 november vacant was geworden door de aanstelling van Nerry Gonzalez tot kwartiermaker Deelnemingen is het Bestuurscollege op zoek gegaan naar een opvolger die actief kan bijdragen aan het realiseren van de ambities van het BC zoals deze zijn opgenomen in het collegeprogramma en de versterking van het overheidsapparaat zoals vastgelegd in het Bestuursakkoord.

,,Wij staan voor grote uitdagingen waaronder het wegwerken van de achterstanden en zijn daarom verheugd dat wij een kandidaat hebben kunnen vinden met een bewezen staat van dienst als professional in de publieke dienst die tegelijkertijd grote affiniteit heeft met Caribisch Nederland en weet waar onze prioriteiten liggen", aldus het Bestuurscollege.