Text Size

  • Increase
  • Decrease
  • Normal

Current Size: 100%

KOLEGIO EHEKUTIVO TA KABA KU ALEGASHONNAN INKOREKTO ENKUANTO ‘ASUNTU DI TOUBOT’

KRALENDIJK – Djaluna den reunion di komishon di Konseho Insular tokante un kambio di presupuesto gezaghebber Edison Rijna a duna un bista riba aktuashon di Kolegio Ehekutivo den e asina yamá ‘fail di toubot’. Ounke na diferente momentu kaba Kolegio Ehekutivo – tantu den Konseho Insular komo den un konferensia di prensa – a hasi bon kla ku ta su manera determiná di aktua a sigurá kontinuidat di funshonamentu di haf salvaguardando disponibilidat di servisio di toubot, alegashonnan inkorekto ta keda sirkulá. Esaki tabata motibu pa gezaghebber Rijna, hasiendo uso di un relato di echo detayá dilanti di komishon di Konseho Insular den un forma kompleto a revelá henter e asuntu. Aki bou ta sigui e relato di echo:

 

Relato di echo ‘fail di toubot'

 

  • Durante hopi aña BOPEC a pone e tòubotnan ku ta den uso na disposishon di Entidat Públiko Boneiru pa servisionan di tòu den haf, entre otre pa asistí barkunan krusero i barkunan di karga mas grandi i den kaso inesperá di kualke kalamidat.
  • Debí na redukshon fuerte di aktividatnan (komo konsekuensia di desaroyonan ku ta keda pafó di e esfera di influensia di BOPEC) den e di dos mitar di di 2018, pa motibunan ekonómiko-empresarial BOPEC a haña su mes obligá di terminá e kontrato vigente ku e kompania serka kende nan tabata hür e tòubotnan i sera un akuerdo ku un otro proveedor (KTK - Kompania di Tòu Kòrsou), kaminda tin ku paga solamente pa e oranan ku efektivamente ta hasi uso di e tòubot. Riba e base ei por a kontinuá ku e palabrashon eksistente tokante uso di e tòubot den haf.
  • Serka e partidonan enbolbí tabata opvio ku Servisio di Impuesto Hulanda Karibense (Belastingdienst Caribisch Nederland – BCN) lo a kobra derecho di importashon na momentu ku e toubot lo a drenta laman di Boneiru.
  • BOPEC i KTK a entregá petishon na BCN pa haña eksonerashon di derecho di importashon pa importashon temporal di e toubot. BCN a rechasá e petishonnan aki.
  • E Kolegio Ehekutivo di e tempu ei durante e diskushon entre BOPEC i BCN  tokante ku e imponementu di derecho di importashon ta hustifiká òf nò, a investigá si BCN lo tabata dispuesto pa konhuntamente ku Entidat Públiko Boneiru buska un solushon. Esaki pasobra funshonamentu di haf ta dependiente di presensia di un toubot. Sinembargo BCN a tuma e posishon ku den e kaso aki Entidat Públiko Boneiru p’e no ta partner di kombersashon.
  • Den un intento pa kibra e impase Kolegio Ehekutivo a sugerí BCN pa duna BOPEC 6 luna di suspenshon pa kumpli ku e derecho di importashon. BCN no tabata dispuesto pa hasi esaki.
  • No opstante ku no a haña e eksonerashon pidí, na luna di òktober 2018 BOPEC a tuma e toubot den servisio.
  • BCN a duna BOPEC te ku 31 di mart tempu pa ainda hasi deklarashon di importashon. Esaki no a tuma lugá.
  • Dia 1 di aprel BCN pa medio di un karta a partisipá na BOPEC ku nan lo imponé un ‘navorderingsheffing’. E Kolegio Ehekutivo ‘demishonario’ di e tempu ei, sabiendo ku BOPEC no tabata den un posishon ku e por a paga e ‘naheffing’, a konsiderá pa tuma esaki pa su kuenta, pero no a efektuá esaki.
  • Dia 2 di aprel BCN a imponé un ‘navorderingsheffing’ inkluso but di 248.000 dòler riba BOPEC. En espera di e pago lo no por a usa e tòubot i por lo tantu barkunan krusero i barkunan di karga mas grandi lo no por a alkansá haf na un manera seif mas, ku komo konsekuensia daño grandi pa ekonomia di nos isla (entre otro pèrdida di entrada i posibel kleimnan pa daño okashoná) i hopi inkomodidat pa suidadanonan i empresanan.
  • Dia 5 di aprel BOPEC a hasi un súplika na BCN pa suspenshon di pago di e ‘navordering’.
  • Dia 11 di aprel BCN a partisipá na BOPEC ku nan ta duna 2 siman di suspenshon di pago, kaminda mesora a menshoná ku despues ku e término vense, mesora lo kuminsá tuma medida pa kobra.
  • Dia 17 di aprel e Kolegio Ehekutivo nobo ku a tuma asiento dia 8 di aprel a keda konfrontá ku e fail i e menasa real ku algun dia despues lo a pone e úniko toubot ku ta disponibel na kadena. Mesora a presentá tur posibel opshon ku por a pensa pa desviá e senario fatal di seramentu di haf pa barkunan krusero i barkunan di karga na Kolegio Ehekutivo. Tambe a presentá konseho ku anteriormente ya a pidi kaba na servisionan interno (Asuntunan Hurídiko i General, Finansa i Supervishon i Mantenshon di Lei), Kolegio di supervishon finansiero, Direktorado di Aviashon i Asuntunan Marítimo di ministerio di Infrastruktura i Maneho di Awa i ministerio di Asuntunan Interno i Relashonnan den Reino na Kolegio Ehekutivo.
  • Pa motibu di e urgensia dia 18 di aprel Kolegio Ehekutivo, despues di konsulta mas detayá ku Representante di Reino i ministerio di Asuntunan Interno i Relashonnan den Reino, a disidí pa hasi uso di artíkulo 24 den lei FinBES ku ta pèrmití pa bou di kondishonnan estrikto hasi un gastu ku no ta presupuestá. Seguidamente a base di e artíkulo aki na nòmber di henter Kolegio Ehekutivo formalmente i bon argumentá a pidi pèrmit di sekretario di estado di Asuntunan Interno i Relashonnan den Reino pa drenta un obligashon pa paga 248.000 dòler na BCN ku no ta premirá den presupuesto 2019.
  • Pa motibu di e interes sosial grandi i despues di konsulta ku ministerio di Finansa, e sekretario di estado di Asuntunan Interno i Relashonnan den Reino práktikamente al instante (dia 18 di aprel pues) a duna pèrmit. Asina a desviá e krísis ku tabata menasá.
  • Na e momentunan aki Kolegio Ehekutivo ta den kombersashon ku KTK tokante un kontrato di servisio pa sigurá usuarionan di haf di servisionan di toubot na un manera duradero. E intenshon den esaki ta ku di un òf otro manera ta kompensá Entidat Públiko Boneiru pa e suma di 248.000 dòler ku a paga na BCN.
  • Pa medio di un kambio di presupuesto ku entretantu a keda presentá na Konseho Insular pa aprobashon, kompletamente konforme legislashon ta responsabilisá e 248.000 dòler.
  • E ministerionan di Asuntunan Interno i Relashonnan den Reino i di Finansa a konfirmá na Kolegio Ehekutivo ku den esaki Entidat Públiko Boneiru a aktua korektamente i kompletamente di akuerdo ku legislashon i regulashon. Kolegio di supervishon finansiero tambe ta kompartí e opinion ei.

 

Resumiendo: Djis despues di a tuma asiento pa su sorpresa grandi (i desagradabel) Kolegio Ehekutivo a mira su mes konfrontá ku un kestion ku tabata andando pa basta tempu kaba i ku pa motibu ku BOPEC i BCN no por a yega na un akuerdo tabata menasá di eskalá, kaminda ku funshonamentu di haf tabata den peliger agudo.

 

Aktuando manera Kolegio Ehekutivo a aktua a prevení daño grandi i direkto na ekonomia i hopi inkomodidat pa suidadanonan i empresanan, pero tambe daño duradero na reputashon di Boneiru komo destinashon krusero. Sigurando kontinuidat di servisionan di tou na ningun momentu so siguridat no tabata na peliger.

 

Alegashonnan sifuera ku Kolegio Ehekutivo lo no a aktua legalmente òf lo a engañá Ministerio di Asuntunan Interno i Relashonnan den Reino no tin ningun base i no ta sirbi interes general, pasobra – purbando di inhustamente desakreditá Kolegio Ehekutivo – nan ta afektá imágen di Boneiru henter komo partner di koperashon i komo destinashon konfiabel.

 

Ku e relato di echo aki Kolegio Ehekutivo ta spera di hala un strepi bou di e diskushon, di manera ku e por dediká su mes na un solushon struktural di e kestion aki i otro failnan ku ta importante pa nos komunidat. Kolegio Ehekutivo ta agradesido na su propio servisionan i e ministerionan enbolbí pa nan aporte na prevenshon di un senario desastroso pa Boneiru.                     

 

 

Bestuurscollege rekent af met onjuiste beweringen inzake 'sleepbootkwestie'

 

KRALENDIJK - Gezaghebber Edison Rijna heeft maandag in de vergadering van de Eilandsraadscommissie over een begrotingswijziging inzicht gegeven in het optreden van het Bestuurscollege in het zogeheten 'sleepbootdossier'.

Hoewel het Bestuurscollege reeds op diverse momenten - zowel in de Eilandsraad als in een persconferentie - duidelijk heeft gemaakt met zijn doortastende optreden de continuïteit van het functioneren van de haven veilig te hebben gesteld door de beschikbaarheid van sleepbootdiensten te waarborgen blijven onjuiste beweringen de ronde doen.

Reden waarom gezaghebber Rijna aan de hand van een gedetailleerd feitenrelaas ten overstaan van de Eilandsraadscommissie volledig opening van zaken heeft gegeven. Hieronder het feitenrelaas:

 

Feitenrelaas 'sleepbootdossier'

 

- BOPEC heeft jarenlang de in gebruik zijnde sleepboten beschikbaar gesteld aan het Openbaar Lichaam Bonaire voor sleepdiensten in de haven, onder meer ter assistentie van cruiseschepen en grotere vrachtschepen, en in het onverhoopte geval van calamiteiten.

- Door de sterke teruggang van activiteiten (als gevolg van ontwikkelingen die buiten de invloedsfeer van BOPEC liggen) zag BOPEC zich in de tweede helft van 2018 om bedrijfseconomische redenen genoodzaakt het lopende contract met de verhuurder van de sleepboten te beëindigen en met een andere leverancier (KTK Curaçao) een contract aan te gaan waarbij uitsluitend betaald hoeft te worden voor de uren dat de sleepboot daadwerkelijk wordt ingezet. Op die basis kon de bestaande afspraak met het OLB over het gebruik van de sleepboot in de haven worden voortgezet.

- Bij de betrokken partijen was duidelijk dat de Belastingdienst Caribisch Nederland (BCN) invoerrechten zou heffen zodra de sleepboot zich in de wateren van Bonaire zou begeven.

- BOPEC en KTK hebben verzoeken bij BCN ingediend om te worden vrijgesteld van invoerrechten voor de tijdelijke invoer van de sleepboot. Deze verzoeken zijn door BCN afgewezen.

- Het toenmalige Bestuurscollege heeft gedurende de discussie tussen BOPEC en BCN over het al dan niet terecht opleggen van invoerrechten onderzocht of BCN bereid zou zijn in gezamenlijkheid met het OLB naar een oplossing te zoeken. Immers, het functioneren van de haven is afhankelijk van de aanwezigheid van een sleepboot. BCN stelde zich echter op het standpunt dat het OLB in deze voor haar geen gesprekspartner was.

- In een poging de impasse te doorbreken heeft het Bestuurscollege BCN nog de suggestie gedaan BOPEC 6 maanden uitstel te geven om de invoerrechten te voldoen. BCN bleek daartoe niet bereid.

- Ondanks het uitblijven van de gevraagde vrijstelling heeft BOPEC de sleepboot in oktober 2018 in gebruik genomen.

- BOPEC heeft van BCN tot en met 31 maart 2019 de tijd gekregen alsnog invoeraangifte te doen. Dat is niet gebeurd.

- Op 1 april heeft BCN BOPEC per brief aangekondigd een navorderingsheffing te zullen opleggen. Het toen 'demissionaire' Bestuurscollege heeft, in de wetenschap dat BOPEC niet in de positie verkeerde de naheffing te voldoen, overwogen deze voor zijn rekening te nemen, maar heeft dat niet geëfectueerd.

- Op 2 april legde BCN BOPEC een navorderingsheffing inclusief boete op van 248.000 dollar. In afwachting van de betaling zou de sleepboot niet mogen worden gebruikt en zouden dus ook cruiseschepen en grotere vrachtschepen niet langer veilig de haven kunnen bereiken, met grote schade aan de eilandelijke economie tot gevolg (o.a. gederfde inkomsten en mogelijke schadeclaims) en veel ongemak voor de burgers en bedrijven.

- Op 5 april heeft BOPEC BCN verzocht om uitstel van betaling van de navordering.

- Op 11 april liet BCN BOPEC weten 2 weken uitstel van betaling te verlenen waarbij meteen is gemeld dat na het verlopen van deze termijn onmiddellijk tot het nemen van invorderingsmaatregelen zou worden overgegaan.

- Op 17 april werd het nieuwe, op 8 april aangetreden Bestuurscollege geconfrontreerd met het dossier en de reële dreiging dat de enig beschikbaar sleepboot enkele dagen later aan de ketting zou worden gelegd. Alle denkbare opties om het doemscenario van de sluiting van de haven voor cruiseschepen en vrachtboten af te wenden is aan het bestuurscollege per direct gepresenteerd. Advies die ook al eerder is ingewonnen bij de interne diensten (JAZ, Fin en T&H), het College financieel toezicht, de Directie Luchtvaart en Maritieme Zaken van het ministerie van Infrastructuur en Waterstaat en het ministerie van Binnenlandse Zaken en Koninkrijksrelaties is tevens aan het Bestuurscollege voorgelegd.

- Vanwege de urgentie heeft het Bestuurscollege op 18 april, na nader overleg met de Rijksvertegenwoordiger en BZK, besloten gebruik te maken van artikel 24 in de finBES-wet dat het toestaat onder strikte voorwaarden een niet-begrote uitgave te doen. De gezaghebber heeft vervolgens op basis van dit artikel namens het gehele Bestuurscollege formeel en beargumenteerd toestemming aan de staatssecretaris van BZK gevraagd om een verplichting aan te gaan voor het betalen van 248.000 dollar aan BCN die niet voorzien is in de begroting 2019.

- De staatssecretaris van BZK heeft, vanwege het grote maatschappelijke belang en na raadpleging van het ministerie van Financiën, vrijwel onmiddellijk (dus op 18 april) toestemming verleend. Daarmee was de dreigende crisis afgewend.

- Het Bestuurscollege is thans met KTK in gesprek over een servicecontract om gebruikers van de haven duurzaam te verzekeren van sleepbootdiensten. Inzet daarbij is dat het OLB voor het aan BCN betaalde bedrag van 248.000 dollar langs enige weg gecompenseerd wordt.

- Via een begrotingswijziging welke inmiddels ter goedkeuring aan de Eilandsraad is voorgelegd wordt de betaling van de 248.000 dollar geheel conform de wetgeving verantwoord.

- De ministeries van BZK en Financiën hebben het Bestuurscollege bevestigd dat het OLB in deze correct en geheel conform de wet- en regelgeving heeft gehandeld. Ook het Cft is die mening toegedaan.

 

Resumerend: Het Bestuurscollege zag zich kort na zijn aantreden tot zijn grote (en onaangename) verrassing geconfronteerd met een al veel langer slepende kwestie die door het uitblijven van overeenstemming tussen BOPEC en BCN dreigde te escaleren waarbij het functioneren van de haven acuut in gevaar was.

 

Door te handelen zoals het Bestuurscollege heeft gehandeld is grote directe schade aan de economie en veel ongemak voor burgers en bedrijven, maar ook langdurige schade aan de reputatie van Bonaire als cruisebestemming voorkomen. Door de continuïteit van sleepdiensten zeker te stellen is tevens op geen enkel moment de veiligheid in het geding geweest.

 

Beweringen als zou het Bestuurscollege niet legaal hebben gehandeld of het ministerie van BZK hebben misleid missen elke grond en dienen niet het algemeen belang, want zij tasten - door het Bestuurscollege ten onrechte in diskrediet te brengen - het imago van heel Bonaire als betrouwbare samenwerkingspartner/bestemming aan.

 

Het Bestuurscollege hoopt met dit feitenrelaas een streep onder de discussie te kunnen zetten zodat het zich kan wijden aan het werken aan een structurele oplossing van deze kwestie en andere voor de samenleving belangrijke dossiers. Het Bestuurscollege is de eigen diensten en de betrokken ministeries erkentelijk voor hun bijdrage aan het voorkomen van een voor Bonaire rampzalig scenario.