Delegashon di Boneiru a biaha pa weganan eskolar di Consude na Paraguay

Kralendijk – Un delegashon boneriano a biaha pa kompetí na  wega eskolar di Consejo Sudamericano d Deporte, Consude, na Paraguay. Boneiru ta partisipá pa di tres biaha na e kompetensia akí, ku ta kuminsá 1 di desèmber awor.

E aña akí Boneiru ta kompetí den ahedres, atletismo, natashon i yudo. Durante Consude tin kompetensia tambe di  basketbòl, futsal, handbal, vòlibòl,  i pin pòn. E atletanan  tin de enfrentá kampion di e paisnan ku ta partisipá.  E kompetensia ta habrí tambe pa mucha ku un desabilidat físiko. Pa partisipá na Consude, e atletanan mester tin entre 12 i 14 aña.

E enkuentro deportivo ta dura di 1 di desèmber te ku 6 di desèmber. Den e añanan anterior Boneiru a sa di saka kara durante Consude.  Na tur tin dies pais ta partisipá na Consude entre nan Sürnam i Chile por ehèmpel.